എടവണ്ണപ്പാറ : പാതയോരത്ത്  അനധികൃതമായി നിര്‍മിച്ച  ഷെഡ്ഡുകള്‍ വാഴക്കാട് എസ്.ഐ സന്തോഷിന്റെ നേതൃത്വത്തിലുള്ള പൊലിസ് സംഘം പൊളിച്ചുനീക്കി. രാത്രിയായാല്‍ മദ്യപാനികളുടെയും കഞ്ചാവുകാരുടെയും വില്‍പന ഉപയോഗ കേന്ദ്രങ്ങളാകുന്നു എന്ന  പരാതിയെ തുടര്‍ന്നാണ് നടപടി.
രാത്രികാലങ്ങളില്‍ പല ഷെഡ്ഡുകളും മദ്യ ഉപയോഗ വില്‍പന കേന്ദ്രങ്ങളാകുന്നുണ്ട്. ഷെഡ്ഡുകളുടെ പരിസരങ്ങളില്‍ മദ്യ ബോട്ടിലുകളുടെ കൂമ്പാരമാണ് .
ഇതിനെതിരെ നാട്ടുകാരുടെ വ്യാപകമായ പരാതിയെ തുടര്‍ന്നാണ് നടപടി. അനധികൃത ബസ് സ്റ്റോപ്പുകളും രാഷ്ട്രീയ പാര്‍ട്ടി കൂടാരങ്ങളും പൊളിച്ചുനീക്കുമെന്നും എസ്.ഐ സന്തോഷ് പറഞ്ഞു. എ.എസ്.ഐ അബൂബക്കര്‍, സീനിയര്‍ പൊലിസ് ഓഫിസര്‍ സുബൈര്‍, ബൈജു, സന്തോഷ് നേതൃത്വം നല്‍കി.