പുളിക്കല്‍: ആല്‍പ്പറമ്പ് മേഖലയില്‍ കുടിവെള്ളം ക്ഷാമം രൂക്ഷമാകുന്നു. മഴ കുറഞ്ഞതും വേനല്‍ കഠിനമായതും മൂലം വറ്റാത്ത  കിണറുകളും കുളങ്ങളും വരണ്ടതോടെ ജനം ദുരിത്തിലായി. കൃഷി കരിഞ്ഞുണങ്ങുന്നത് കര്‍ഷകരേയും വലക്കുകയാണ്.
വാഴ, കപ്പ, ചിരങ്ങ, തുടങിയവ  വെള്ളം കിട്ടാതെ നശിക്കുന്ന അവസ്ഥയിലാണെന്ന് കര്‍ഷകര്‍ പറയുന്നു.
  കഴിഞ്ഞ വേനലില്‍ പഞ്ചായത്ത് കുടിവെള്ളം എത്തിച്ചിരുന്നുവെങ്കിലും ഇത്തവണ നടപടികളുണ്ടാവാത്തതിലും നാട്ടുകാര്‍ക്ക് അമര്‍ഷമുണ്ട്. പണം നല്‍കി കുടിവെള്ളമെത്തിച്ച് ഉപയോഗിക്കേണ്ട അവസ്ഥയാണ് എവിടേയുമുളളത്. 1000 ലിറ്ററിറിന് 500 രൂപ വരെ നല്‍കേണ്ട ഗതികേടാണുള്ളത്. സന്നദ്ധ സംഘടനകളും ക്ലബുകളും ആഴ്ച്ചയില്‍ നല്‍കുന്ന കുടിവെള്ളമാണ് നാടിന് ആശ്വാസമാകുന്നത്.