പൊന്നാനി: മോഹന്‍ലാല്‍ ചിത്രം ലൂസിഫര്‍ റിലീസായതിനു പിന്നാലെ സ്ഥാനാര്‍ഥികളുടെ ലൂസിഫര്‍ പോസ്റ്ററുകളും വൈറലാകുകയാണ്. മണ്ഡലവും ചിഹ്നവും ചേര്‍ത്തുള്ള സ്ഥാനാര്‍ഥികളുടെ പോസ്റ്ററുകളും ചിത്രത്തിനൊപ്പം ഹിറ്റാകുന്നു.

ആദ്യം ആലപ്പുഴയിലെ എല്‍.ഡി.എഫ് സ്ഥാനാര്‍ഥി ആരിഫിന്റെ പേരാണ് ലൂസിഫര്‍ പോസ്റ്ററിലിറങ്ങിയത്. തൊട്ടുപിന്നാലെ മറ്റിടങ്ങളിലും സ്ഥാനാര്‍ഥികള്‍ സ്റ്റീഫന്‍ നെടുമ്പള്ളിയായി ജീപ്പില്‍ വന്നിറങ്ങി. രാഹുല്‍ ഗാന്ധി മുതല്‍ പൊന്നാനിയിലെ സ്ഥാനാര്‍ത്ഥി പി.വി അന്‍വര്‍ വരെ ലൂസിഫര്‍ മാതൃകയില്‍ പോസ്റ്ററുകള്‍ ഇറക്കിയിട്ടുണ്ട്. സാമൂഹ മാധ്യമത്തില്‍ ഇപ്പോള്‍ കൂടുതല്‍ തരംഗമുണ്ടാക്കാന്‍ ഇത്തരം പോസ്റ്ററുകള്‍ക്കാവുമെന്നാണ് അണികളുടെ വാദം.സ്ഥാനാര്‍ഥി ആരുമാകട്ടെ ഹിറ്റായത് ലൂസിഫറും നെടുമ്പള്ളിയുമാണ്.