കൊച്ചി: ആരെ കളിയാക്കണം എന്നു ചിന്തിച്ചാണ് കേരളത്തിലെ ചില യുവാക്കള്‍ ദിവസം ആരംഭിക്കുന്നതെന്ന് അല്‍ഫോന്‍സ് കണ്ണന്താനം. എറണാകുളം പ്രസ്‌ക്ലബ്ബില്‍ നടത്തിയ മീറ്റ് ദി കാന്റിഡേറ്റ് എന്ന പരിപാടിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം. ഒരുപണിയും ഇല്ലാതെ ഇരിക്കുന്നവരാണ് കേരളത്തിലെ ട്രോളന്മാര്‍. ഇടത് വലത് സര്‍ക്കാരുകള്‍ ഭരിച്ച് കേരളം കുളമാക്കിയിരിക്കുകയാണ് ഇതുമൂലം കേരളത്തില്‍ തൊഴിലില്ലായ്മ വര്‍ധിച്ചു. വിദ്യാഭ്യാസനുണ്ടായിട്ടും ജോലിയും വരുമാനവും ലഭിക്കാത്തുമൂലമുള്ള നിരാശയാണ് മറ്റുള്ളവരെ കളിയാക്കി യുവാക്കള് തീര്‍ക്കുന്നതെന്നും കണ്ണന്താനം പറഞ്ഞു. തന്നെ കളിയാക്കുന്നതില്‍ ഒരു വിഷമവും തോന്നിയിട്ടില്ല. എന്തൊക്കെ പറഞ്ഞാലും തന്റെ പ്രവര്‍ത്ത ശൈലി മാറ്റാന്‍ ഉദ്ദേശിക്കുന്നില്ലെന്നും അദ്ദേഹം പറഞ്ഞു.
മണ്ഡലം മാറി വോട്ട് ചോദിച്ചതിനെ പറ്റി ആരാഞ്ഞപ്പോള്‍ സ്ഥാനാര്‍ഥിയായി പ്രഖ്യാപിച്ച ശേഷം വന്നിറങ്ങുമ്പോള്‍ എന്റെ മണ്ഡലത്തിന്റെ പരിധി നിര്‍ണയിക്കാന്‍ മണ്ഡലത്തിന്റെ ഭൂപടം കൊണ്ടല്ല താന്‍ നടക്കുന്നതെന്നായിരുന്നു കണ്ണന്താനത്തിന്റെ മറുപടി.