തൃശൂര്‍: പുഴയോരച്ചന്തക്ക് പേരു കേട്ട കാട്ടൂരങ്ങാടിയും വൃദ്ധസദനത്തിന്റെ കഥാകാരന്‍ ടി.വി കൊച്ചുബാവയുടെയും ജന്മദേശമായ കാട്ടൂരിന്റെ മണ്ണിലൂടെയായിരുന്നു ഇന്നലെ യു.ഡി.എഫ് സ്ഥാനാര്‍ത്ഥി ടി.എന്‍ പ്രതാപന്റെ പര്യടനം. തുറന്നവാഹനത്തില്‍ നീങ്ങിയും നാട്ടുകാരെ നേരില്‍ കണ്ടും കച്ചവട സ്ഥാപനങ്ങളില്‍ കയറിയും സ്ഥാനാര്‍ഥി വോട്ടഭ്യര്‍ത്ഥിച്ചു.
രാവിലെ എട്ടുമണിക്ക് തൊമ്മാന ജങ്ഷനിലായിരുന്നു പര്യടന തുടക്കം. മഹിളാ കോണ്‍ഗ്രസ് സംസ്ഥാന പ്രസിഡന്റ് ലതിക സുഭാഷ് പര്യടനം ഉദ്ഘാടനം ചെയ്തു. എം.പി ജാക്‌സണ്‍, തോമസ് ഉണ്ണിയാടന്‍, ആന്റോ പെരുമ്പുള്ളി, കെ.എ റിയാസുദ്ധീന്‍, എന്നിവര്‍ സംബന്ധിച്ചു.
തുടര്‍ന്ന് അവിട്ടത്തൂര്‍, കടുക്കശ്ശേരി, തുമ്പൂര്‍, വട്ടേപ്പാടം, കൊറ്റനെല്ലൂര്‍, ഐക്കരക്കുന്ന്, എടക്കുളം, ചാമക്കുന്ന് സെന്റര്‍, കല്‍പ്പറമ്പ് സെന്റര്‍, അരിപ്പാലം സെന്റര്‍ തുടങ്ങിയ സ്ഥലങ്ങളില്‍ ഉച്ചവരെ പര്യടനം നടത്തി.  ഉച്ചക്കുശേഷം പടിയൂര്‍ പഞ്ചായത്തിലെ വളവനങ്ങാടിയില്‍നിന്ന് തുടങ്ങി കോടങ്കുളം, കാക്കാത്തുരുത്തി, കാട്ടൂര്‍ പഞ്ചായത്തിലെ തേക്കുമൂല, കൊഞ്ഞനം, കാട്ടൂര്‍ ബസാര്‍, കരാഞ്ചിറ മിഷന്‍ ഹോസ്പിറ്റല്‍ ജങ്ഷന്‍, ഇല്ലിക്കാട് ജങ്ഷന്‍ കാറളം പഞ്ചായത്തിലെ താണിശ്ശേരി സെന്റര്‍ വെള്ളാനി, കാറളം സെന്റര്‍ ചെമ്മണ്ട എന്നിവിടങ്ങളില്‍ വോട്ടഭ്യര്‍ത്ഥിച്ചും നാട്ടുകാരേ നേരില്‍കണ്ടും പ്രതാപന്റെ പര്യടനം കിഴുത്താനി ആല്‍ പരിസരത്ത് സമാപിച്ചു.