മുംബൈ: പാര്‍ലമെന്ററി രാഷ്ട്രീയത്തില്‍ നിന്നും വിരമിച്ചേക്കുമെന്ന സൂചന നല്‍കി ശരത് പവാര്‍. 

രാജ്യസഭയിലേക്ക് പോകണോ വേണ്ടയോ എന്ന കാര്യത്തില്‍ തനിക്ക് ചിന്തിക്കേണ്ടിയിരിക്കുന്നു, പവാര്‍ പറഞ്ഞു.
മഹാരാഷ്ട്ര നിയമസഭാ തിരഞ്ഞെടുപ്പിനോടനുബന്ധിച്ച് ബാരാമതിയില്‍ ഒരു പൊതുയോഗത്തില്‍ പങ്കെടുക്കവേയാണ് പവാറിന്റെ പ്രതികരണം. 

രാജ്യസഭയില്‍ അദ്ദേഹത്തിന് ഇനിയും ഒന്നര വര്‍ഷത്തെ കാലാവധി കൂടി ശേഷിക്കുന്നുണ്ട്. 
ഇന്ത്യന്‍ രാഷ്ട്രീയത്തിലെ ഒരു ശക്തനെന്ന നിലയില്‍, മഹാരാഷ്ട്രയില്‍ മാത്രമല്ല ദേശീയ തലത്തില്‍തന്നെ ദശാബ്ദങ്ങളായി ശരദ് പവാര്‍ രാഷ്ട്രനിര്‍മാണത്തില്‍ നിര്‍ണായക പങ്ക് വഹിക്കുന്നു. ഇന്ത്യാ സംഖ്യ രൂപീകരണത്തിലടക്കം നിര്‍ണായക സ്വാധീനം ചെലുത്തിയ പവാറിന്റെ പാര്‍ലമെന്റിലെ അഭാവം ഇന്ത്യന്‍ മതേതര ചേരിക്ക് കനത്ത നഷ്ടമായിരിക്കും.