പൂയംകുട്ടി: പൂയംകുട്ടിയില്‍ കിണറ്റില്‍ വീണ കാട്ടാനയെ രക്ഷിച്ചു. കിണറ്റിന് അരികിലുള്ള തിട്ട പൊളിച്ചാണ് വനംവകുപ്പ് അധികൃതരും നാട്ടുകാരും ചേര്‍ന്ന് കാട്ടാനയെ രക്ഷിച്ചത്.

മണ്‍തിട്ടയില്‍ പല തവണ കാല്‍വഴുതി താഴെ വീണ് പോയെങ്കിലും ഒടുവില്‍ ദേഹം മുഴുവന്‍ മണ്ണു പുരണ്ട് കാട്ടാന വലിഞ്ഞ് മുകളില്‍ കയറി. നീണ്ട നാലുമണിക്കൂര്‍ നടത്തിയ രക്ഷാപ്രവര്‍ത്തനത്തിനൊടുവിലാണ് ആനയെ രക്ഷിച്ചത്. ഒടുവില്‍ ഓടുന്നതിനിടയില്‍ വഴിയിലുള്ള ഒന്നുരണ്ട് ബൈക്കുകള്‍ കൂടി ആന തട്ടിയിട്ടു.