ആലക്കോട്: ഉദയഗിരി ടൗണില്‍ പലചരക്ക് കടയിലും കള്ളുഷാപ്പിലും മോഷണം. 8000ത്തോളം രൂപ നഷ്ടപ്പെട്ടു. പഴയപുരയില്‍ ഷാജു മാത്യുവിന്റെ പലചരക്ക് കടയിലും സോഹന്‍ സെബാസ്‌റ്യാന്റെ ഉടമസ്ഥതയിലുള്ള കള്ളുഷാപ്പിലുമാണ് മോഷണം നടന്നത്. ഇരു സ്ഥാപനങ്ങളുടെയും വാതില്‍ തകര്‍ത്താണ് മോഷണം നടത്തിയത്. ഷാജുവിന്റെ കടയില്‍ നിന്ന് 7000 ത്തോളം രൂപയും കള്ളുഷാപ്പില്‍ നിന്ന് 1000ത്തോളം രൂപയുമാണ് നഷ്ടപെട്ടത്. ഷാജുവിന്റെ കടയില്‍ നിന്ന് പണം അടങ്ങുന്ന ഡ്രോ അടക്കമാണ് എടുത്തത്. ഇത് പിന്നീട് കള്ളുഷാപ്പിന് സമീപം ഉപേക്ഷിച്ചു. ഷാപ്പില്‍ നിന്ന് 3മൊബൈലുകള്‍ കൂടി എടുത്തെങ്കിലും അത് പിന്നീട് അവിടെ തന്നെ വച്ചിട്ട് പോകുകയായിരുന്നു. രാവിലെ പള്ളിയില്‍ പോയവരാണ് ആദ്യം മോഷണ വിവരം അറിയുന്നത്. വ്യാപാരികളുടെ പരാതിയില്‍ ആലക്കോട് പൊലിസ് കേസെടുത്തു അനേഷണം ആരംഭിച്ചു.