സുല്‍ത്താന്‍ ബത്തേരി: വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമിയുടെ കീഴില്‍ സുല്‍ത്താന്‍ ബത്തേരി മൈതാനിക്കുന്നില്‍ പുതുതായി ആരംഭിക്കുന്ന വനിതാ ഇസ്‌ലാമിക് ആന്‍ഡ് ആര്‍ട്‌സ് കോളജിന്റെ ഉദ്ഘാടനം 11ന് വൈകിട്ട് നാലിന് പാണക്കാട് സയ്യിദ് സ്വദിഖലി ശിഹാബ് തങ്ങള്‍ ഉദ്ഘാടനം ചെയ്യും.
സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാവും. റഹ്മത്തുല്ല ഖാസിമി മുത്തേടം മുഖ്യപ്രഭാഷണം നടത്തും. രാത്രി എട്ടിന് നടക്കുന്ന പ്രാര്‍ഥനാ സംഗമത്തിന് സയ്യിദ് ശഹീറലി ശിഹാബ് തങ്ങള്‍ നേതൃത്വം നല്‍കും. സ്വാഗത സംഘം യോഗത്തില്‍ ചെയര്‍മാന്‍ ഹംസ ഹാജി അധ്യക്ഷനായി. ഇബ്‌റാഹിം ഫൈസി പേരാല്‍ ഉദ്ഘാടനം ചെയ്തു. എ.കെ സുലൈമാന്‍ മൗലവി ചര്‍ച്ചകള്‍ക്കു മറുപടി പറഞ്ഞു. ഉമ്മര്‍ ഹാജി ചുള്ളിയോട്, ഇ.പി മുഹമ്മദലി ഹാജി, യൂസുഫ് ഓടപ്പള്ളം, അനീസ് വാഫി, നാസര്‍ ഗസാലി, മൊയ്തീന്‍ ഹാജി, ഫാറൂഖ് പി.ടി, വി.കെ നാസര്‍ ഹാജി, സാജിദ് റഹ്മാനി, മുസ്തഫ ദാരിമി, ഷഹീര്‍ ഫൈസി, അബ്ദുല്‍ കരീം ബാഖവി, കെ.സി.കെ തങ്ങള്‍, സകരിയ്യ വാഫി സംസാരിച്ചു. കെ.എ നാസര്‍ മൗലവി സ്വാഗതവും സൈഫുദ്ധീന്‍ ഹാജി നന്ദിയും പറഞ്ഞു.