അഴിത്തല: ചരിത്ര പ്രസിദ്ധമായ അഴിത്തല വലിഖര മഖാം ഉറൂസ് ആരംഭിച്ചു. ജമാഅത്ത് പ്രസിഡന്റ് പി മുഹമ്മദ്ശാഫി പതാക ഉയര്‍ത്തി. ഖത്തീബ് നൗഷാദ് അമാനി ഉദ്ഘാടനം ചെയ്തു. കെ സൈനുദ്ദീന്‍ ഹാജി അധ്യക്ഷനായി. മുനീര്‍ സൈനി, ആലിങ്കല്‍ ഭദ്രകാളി ക്ഷേത്ര പ്രസിഡന്റ് പി.വി വിജയന്‍ സംസാരിച്ചു. മന്‍സൂര്‍ അലി ദാരിമി കാപ്പ് പ്രഭാഷണം നടത്തി. ഇന്നു രാത്രി എട്ടിനു അബൂബക്കര്‍ അസ്ഹരി പ്രഭാഷണം നടത്തും. നാളെ സി.കെ.കെ മാണിയൂര്‍ സംസാരിക്കും. കെ അബ്ദുല്ല അധ്യക്ഷനാകും.
മുസ്തഫ അഷ്‌റഫി കക്കുപ്പടി പ്രഭാഷണം നടത്തും. സമാപന ദിവസമായ 25നു ജുഹ്ര്‍ നിസ്‌കാരാനന്തരം മൗലീദ് പാരായണവും ശൈഖുനാ മാണിയൂര്‍ ഉസ്താദിന്റെ നേതൃത്വത്തില്‍ കൂട്ടുപ്രാര്‍ഥനയും നടക്കും. തുടര്‍ന്ന് അന്നദാനം.