ജീവിതത്തിന്റെ വിഭ്രാന്തികളും ആകുലതകളും പ്രതീക്ഷകളും മനോഹരമായി വരച്ചിടുന്ന കഥകളുടെ സമാഹാരമാണ് ഈ പുസ്തകം. സംഭവങ്ങള്‍ക്ക് ഭാവനയുടെ നിറംപിടിപ്പിക്കുന്നതിനേക്കാള്‍ അവയിലെ സത്യാംശവും കാല്‍പനികഭാവവും അനാവരണം ചെയ്യുന്നതിനാണ് കഥാകൃത്ത് ഏറെ ശ്രദ്ധപുലര്‍ത്തുന്നതെന്ന് പ്രസാധകര്‍ നിരീക്ഷിക്കുന്നു. മലയാള സീരിയലുകളിലെ ശ്രദ്ധേയസാന്നിധ്യമായ ഇദ്ദേഹം പ്രശസ്ത സിനിമാതാരം മമ്മുട്ടിയുടെ സഹോദരന്‍ കൂടിയാണ്. കരുത്ത് മുതല്‍ ഉറവ വരെ 10 കഥകളാണ് ഈ സമാഹാരത്തില്‍ ഉള്‍ക്കൊള്ളിച്ചിരിക്കുന്നത്.