നെടുങ്കണ്ടം: പ്രായപൂര്‍ത്തിയാകാത്ത കുട്ടികള്‍ക്കു കഞ്ചാവ് വിതരണം ചെയ്ത യുവാവ് പിടിയില്‍. ഉടുമ്പന്‍ചോല കഞ്ഞിക്കാലയം തങ്കവിലാസം തങ്കം ഗുരുസ്വാമി(28)യെ ഉടുമ്പന്‍ചോല പൊലിസ് അറസ്റ്റ് ചെയ്തത്.  പിടിയിലായ പ്രതി ഉടുമ്പന്‍ചോല ടൗണിലും, പരിസര പ്രദേശങ്ങളിലും വിദ്യാര്‍ഥികള്‍ക്കു കഞ്ചാവ് നല്‍കിയിരുന്നതായി പൊലിസ് പറഞ്ഞു. പ്രതിക്കു കഞ്ചാവ് എത്തിച്ചു നല്‍കുന്നവരെക്കുറിച്ച് അന്വേഷണം നടത്തി വരികയാണ്. ഉടുമ്പന്‍ചോല സി.ഐ അനില്‍ ജോര്‍ജ്, എ.എസ്.ഐ ഇബ്രാഹിം, സി.പി.ഒമാരായ ആസിഫ്, സനീഷ്, കബീര്‍ എന്നിവരടങ്ങുന്ന സംഘമാണ് പ്രതിയെ പിടികൂടിയത്. മൂന്ന് പൊതികളിലാക്കിയ 15 ഗ്രാം കഞ്ചാവ് പ്രതിയില്‍ നിന്ന് കണ്ടെത്തി. പ്രായപൂര്‍ത്തിയാകാത്ത കുട്ടികള്‍ക്കു കഞ്ചാവ് വിറ്റതിനു പ്രതിക്കെതിരേ ശാന്തന്‍പാറ പൊലിസ് സ്റ്റേഷനിലും കേസുണ്ട്. പ്രതിയെ നെടുങ്കണ്ടം ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കി റിമാന്‍ഡ് ചെയ്തു.