അരൂര്‍: തൂവല്‍സ്പര്‍ശം എന്ന പേരില്‍ ഫ്രണ്ട്‌സ് ഓഫ് പേഷ്യന്റ്‌സിന്റെ നാലാമത് വാര്‍ഷികവും നിര്‍ധനര്‍ക്കുള്ള ധനസഹായവും വിതരണം ചെയ്തു. എ.എം ആരിഫ് എം.എല്‍.എ ഉദ്ഘാടനം നിര്‍വഹിച്ചു. എസ്.ഐ റ്റി.എസ് റെനീഷ് ചികിത്സാ ധനസഹായവും അരൂര്‍ ഗ്രാമപഞ്ചായത്ത് പ്രസിഡന്റ് ബി. രത്‌നമ്മ ഭക്ഷ്യ ധാന്യ കിറ്റും വിതരണം ചെയ്തു.
അഡ്വ. വി. അമര്‍നാഥ് ഭവന പുനരുദ്ധാരണ ധനസഹായ വിതരണം നടത്തി. പഞ്ചായത്തിലെ മികച്ച സേവനങ്ങള്‍ക്ക് എസ്.ഐ റ്റി.എസ്. റെനീഷിനെ വനിതാ വിങ് സെക്രട്ടറി മോളി ജെസ്റ്റിനും പാലിയേറ്റീവ് കെയര്‍ രംഗത്ത് മികച്ച സേവനം നടത്തുന്ന ജാസ്മിന്‍ റിസ്‌വാനെ റിട്ട. അവിരാ കോളജ് പ്രിന്‍സിപ്പല്‍ റ്റി.പി.ആന്റണി മാസ്റ്ററും ആദരിച്ചു. ഫ്രണ്ട്‌സ് ഓഫ് പേഷ്യന്റ്‌സ് അരൂര്‍ യൂനിറ്റ് പ്രസിഡന്റ് പി.എം യൂസഫ് അധ്യക്ഷനായിരുന്നു. കെ.ടി കുഞ്ഞുമോന്‍, എം.എം നാസര്‍, കെ.എ അമീര്‍, സണ്ണി ഫ്രാന്‍സീസ്, സലാഹുദ്ദീന്‍, രാധാകൃഷ്ണന്‍, എന്‍.വി ഷാജി, സ്മിതാ സന്തോഷ് സംസാരിച്ചു.