കമ്പളക്കാട്: നാലു വര്‍ഷം കൊണ്ട് കേരളത്തിന്റെ മനസ് കീഴടക്കാന്‍ സുപ്രഭാതത്തിന് സാധിച്ചതിന് പിന്നില്‍ മുഅല്ലിം മാനേജ്‌മെന്റ് കൂട്ടായ്മയാണെന്ന് ജംഇയ്യത്തുല്‍ മുഅല്ലിമീന്‍ സംസ്ഥാന ട്രഷറര്‍ എം.എം ഇമ്പിച്ചിക്കോയ മുസ്‌ലിയാര്‍ അഭിപ്രായപ്പെട്ടു.
സുപ്രഭാതം കാംപയിന്റെ ഭാഗമായി കമ്പളക്കാട് അന്‍സാരിയാ കോംപ്ലക്‌സില്‍ നടന്ന റെയ്ഞ്ച് കണ്‍വന്‍ഷന്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മുഫത്തിശ് പി. അലി ഫൈസി ചേരമ്പാടി അധ്യക്ഷനായി.
ജില്ലാ കോഡിനേറ്റര്‍ സി.പി ഹാരിസ് ബാഖവി വിഷയാവതരണം നടത്തി. ജംഇയ്യത്തുല്‍ മുഅല്ലിമീന്‍ ജില്ലാ സെക്രട്ടറി എ. അഷ്‌റഫ് ഫൈസി, മുദരിബ് മുസമ്മില്‍ ഫൈസി, കെ.കെ അബ്ദുല്‍ അസീസ് ഹാജി, സി.എച്ച് അലി ദാരിമി, ശരീഫ് ഹുദവി, വി.കെ മോയിന്‍ മൗലവി സംസാരിച്ചു. റെയ്ഞ്ച് സെക്രട്ടറി വി.കെ സഈദ് ഫൈസി സ്വാഗതവും പി. ഇബ്‌റാഹിം മൗലവി നന്ദിയും പറഞ്ഞു.