കൊളത്തൂര്‍: പുലാമന്തോള്‍  കൊളത്തൂര്‍ റോഡിലെ പുലാമന്തോള്‍ ഹൈസ്‌കൂളിനു മുന്നിലെ സീബ്രാലൈനുകള്‍ മാഞ്ഞു. മൂവായിരത്തിലധികം  വിദ്യാര്‍ഥികള്‍ പഠിക്കുന്ന പുലാമന്തോള്‍ ഹയര്‍ സെക്കണ്ടറി സ്‌കൂളിനു മുന്നിലെ സീബ്രാ ലൈനുകള്‍  മാഞ്ഞതും മറ്റ് സുരക്ഷാ മുന്നറിയിപ്പ് ബോര്‍ഡുകള്‍ ഇല്ലാത്തതും  പ്രദേശത്ത് അപകടം  സാധ്യതയേറുന്നു.
രണ്ടു വര്‍ഷം മുന്‍പ് വീതികൂട്ടി റബറൈസഡ് ജോലികള്‍  പൂര്‍ത്തിയാക്കിയ ഈ റോഡില്‍  വാഹനങ്ങളുടെ അമിത വേഗത പലപ്പോഴും അപകടങ്ങള്‍ക്ക് കാരണമാക്കിയിട്ടുണ്ട്.  മുന്‍  വര്‍ഷങ്ങളില്‍  മുന്‍കരുതലിനായി ട്രാഫിക് പോലീസുകാരനെ നിയമിച്ചിരുന്നുവെങ്കിലും ഈ വര്‍ഷം  നിയമപാലകര്‍ ഇങ്ങോട്ടു തിരിഞ്ഞു നോക്കിയിട്ടില്ലെന്നും പരാതിയുണ്ട്. വളവുകള്‍ തിരിഞ്ഞു  വരുന്ന ഇടുങ്ങിയ റോഡും ചെറിയ ഇറക്കവും ഈ മേഖലയെ അപകടമേഖലയാക്കുന്നു.