കാസര്‍കോട്: പാര്‍ലമെന്റ് മണ്ഡലത്തില്‍ നാമനിര്‍ദേശ പത്രിക സമര്‍പ്പിച്ച 11 സ്ഥാനാര്‍ഥികളുടെയും പത്രിക സൂക്ഷ്മ പരിശോധനയില്‍ അംഗീകരിച്ചതായി ജില്ലാ വരണാധികാരിയായ കലക്ടര്‍ ഡോ. ഡി. സജിത് ബാബു പറഞ്ഞു. ഇതില്‍ രണ്ടുപേര്‍ പത്രിക പിന്‍വലിച്ചു. എട്ടിനാണ് നാമനിര്‍ദേശ പത്രിക പിന്‍വലിക്കാനുള്ള അവസാന ദിവസം.
ഇടതുപക്ഷ സ്ഥാനാര്‍ഥി സണ്ടിണ്ടണ്ടണ്ട.പി.എമ്മിലെ സതീഷ് ചന്ദ്രന്റെ ഡണ്ടണ്ടണ്ടമ്മി സ്ഥാനാര്‍ഥി സി.എച്ച് കുഞ്ഞമ്പു, എന്‍.ഡി.എ സ്ഥാനാര്‍ഥി ബി.ജെ.പിയിലെ സഞ്ജീവ ഷെട്ടി എന്നിവരാണ് ഇന്നലെ സൂക്ഷ്മ പരിശോധന പൂര്‍ത്തിയായ ഉടനെ പത്രിക പിന്‍വലിച്ചത്. അഞ്ചു പാര്‍ട്ടി സ്ഥാനാര്‍ഥികളും നാലു സ്വതന്ത്രരുമടക്കം ഒന്‍പതു സ്ഥാനാര്‍ഥികളാണ് മത്സരരംഗത്ത് ഇപ്പോഴുള്ളത്.
കെ.പി സതീഷ് ചന്ദ്രന്‍ (സി.പി.എം), രാജ്‌മോഹന്‍ ഉണ്ണിത്താന്‍ (ഇന്ത്യന്‍ നാഷനല്‍ കോണ്‍ഗ്രസ് (ഐ), രവീശതന്ത്രി കുണ്ടാര്‍(ബി.ജെ.പി ), അഡ്വ. ബഷീര്‍ ആലടി (ബി.എസ്.പി), ഗോവിന്ദന്‍ ബി. ആലിന്‍താഴെ (അംബേദ്ക്കര്‍ അറ്റ് പാര്‍ട്ടി ഓഫ് ഇന്ത്യാ), സജി (സ്വതന്ത്രന്‍), കെ. നരേന്ദ്രകുമാര്‍ (സ്വതന്ത്രന്‍), ആര്‍.കെ രണദിവന്‍ (സ്വതന്ത്രന്‍), രമേശന്‍ ബന്തടുക്ക (സ്വതന്ത്രന്‍) എന്നിവരാണ് ഇനി മത്സരരംഗത്തുള്ളത്. പൊതുനിരീക്ഷകന്‍ എസ്. ഗണേഷ് സ്ഥാനാര്‍ഥികളുടെ ചീഫ് ഏജന്റുമാര്‍, സ്വതന്ത്ര സ്ഥാനാര്‍ഥികള്‍ എന്നിവരുടെ സാന്നിധ്യത്തിലാണ് സൂക്ഷ്മ പരിശോധന നടത്തിയത്.