തിരുവനന്തപുരം: അണ്‍ എയ്ഡഡ് മേഖലയിലെ അധ്യാപകരേയും ജീവനക്കാരേയും ചൂഷണത്തില്‍ നിന്ന് സംരക്ഷിക്കാന്‍ സര്‍ക്കാര്‍ നടപടികള്‍ സ്വീകരിക്കുമെന്ന് വിദ്യാഭ്യാസമന്ത്രി സി.രവീന്ദ്രനാഥ് പറഞ്ഞു. ഇതിനായി കരട് ബില്‍ കൊണ്ടുവരുമെന്ന് എ.എന്‍ ഷംസീറിന് മന്ത്രി മറുപടി നല്‍കി. പൊതുവിദ്യാഭ്യാസം സംരക്ഷിക്കുന്നതിനൊപ്പം അണ്‍എയ്ഡഡ് മേഖലയ്ക്കും സര്‍ക്കാര്‍ പ്രാധാന്യം നല്‍കുന്നുണ്ട്.
തൊഴില്‍ വകുപ്പ് അണ്‍ എയ്ഡഡ് അധ്യാപകര്‍ക്ക് മിനിമം വേതനം നിശ്ചയിച്ചിട്ടുണ്ട്. എന്നാല്‍ ഇത് ലഭിക്കുന്നുണ്ടോയെന്ന് ഉറപ്പുവരുത്തേണ്ടതുണ്ടെന്നും മന്ത്രി പറഞ്ഞു.