ന്യൂഡല്‍ഹി : എട്ടു പൊലിസുകാരെ കൊലപ്പെടുത്തിയ മാഫിയ സംഘത്തലവന്‍ വികാസ് ദുബെ ഒടുവില്‍ പൊലിസ് പിടിയില്‍. മധ്യപ്രദേശിലെ ഉജ്ജയിനിലാണ് ഇയാള്‍ പിടിയിലായത്. ഒരാഴ്ചയോളം നീണ്ട തെരച്ചിലിനൊടുവിലാണ് ഇയാള്‍ പിടിയിലായത്.

കഴിഞ്ഞ ദിവസം ദുബെയെ ഡല്‍ഹിക്കു സമീപം ഹരിയാനയിലെ ഫരീദാബാദിലെ ഹോട്ടലില്‍ കണ്ടിരുന്നതായും റിപ്പോര്‍ട്ടുണ്ടായിരുന്നു. എന്നാല്‍ വിവരമറിഞ്ഞ് എത്തിയപ്പോഴേക്കും ഇയാള്‍ കടന്നു കളഞ്ഞെന്നായിരുന്നു പൊലിസ് പറഞ്ഞത്.

വികാസ് ദുബെയുടെ മൂന്നു അനുയായികളെ പൊലിസ് ഏറ്റുമുട്ടലില്‍ കൊലപ്പെടുത്തിയിരുന്നു. ദുബെയുടെ വലംകൈയായി അറിയപ്പെടുന്ന അമര്‍ ദുബെ, പഭാത് മിശ്ര, രണ്‍ബീര്‍ ശുക്ല എന്നിവരാണ് കൊല്ലപ്പെട്ടത്.