നീലേശ്വരം: സെന്‍കുമാറിന് നീതിലഭിച്ചുവെന്ന് മുന്‍മുഖ്യമന്ത്രി ഉമ്മന്‍ചാണ്ടി. നീലേശ്വരത്ത് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

കഴിവുള്ള ഉദ്യോഗസ്ഥനാണ് സെന്‍കുമാര്‍. അദ്ദേഹത്തിനനുകൂലമായ സുപ്രിംകോടതി വിധി സ്വാഗതം ചെയ്യുന്നു. ഇടത് സര്‍ക്കാരിനേറ്റ കനത്ത തിരിച്ചടിയാണ് കോടതിവിധിയെന്നും അദ്ദേഹം പറഞ്ഞു.

പൊമ്പുളൈ ഒരുമൈയ്‌ക്കെതിരെ മന്ത്രി എം.എം മണി നടത്തിയ പ്രസ്താവന ദൗര്‍ഭാഗ്യകരമാണ്. ഉത്തരവാദിത്വപ്പെട്ട സ്ഥാനത്തിരിക്കുന്നവര്‍ ഉപയോഗിക്കാന്‍ പാടില്ലാത്ത വാക്കുകളാണ് അദ്ദേഹം ഉപയോഗിച്ചതെന്നും മണി കേരളത്തിന് തന്നെ അപമാനമാണെന്നും അദ്ദേഹം കൂട്ടിച്ചേര്‍ത്തു.