തിരുവനന്തപുരം: കിണറ്റില്‍ അകപ്പെട്ട പശുകുട്ടിയെ ഫയര്‍ഫോഴ്‌സ് രക്ഷിച്ചു. കീഴായിക്കോണം, മണ്ഡപകുന്ന് അശ്വതിയില്‍ ചന്ദ്രന്‍നായരുടെ ഉടമസ്ഥതയിലുള്ള പശുകുട്ടിയാണ് കിണറ്റില്‍ അകപ്പെട്ടത്.ഇന്നലെ വൈകിട്ട് 4ന് ആണ് സംഭവം, പുല്‍മേ യാനായി വീടിന് സമീപം കെട്ടിയിരുന്ന പശു കാല്‍ വഴുതി കിണറ്റില്‍ വീഴുകയായിരുന്നു. ശബ്ദം കേട്ട് ഓടി എത്തിയ വീട്ടുടമ ഉടന്‍ തന്നെ വെഞ്ഞാറമൂട് ഫയര്‍ഫോഴ്‌സില്‍ വിവരം അറിയിക്കുകയും ഫയര്‍ഫോഴ്‌സ് സ്ഥലത്ത് എത്തി കിണറ്റില്‍ ഇറങ്ങി നെറ്റിന്റെ സഹായത്തില്‍ പശുകുടിയെ കരയ്‌ക്കെടുക്കുകയായിരുന്നു. ഫയര്‍മാന്‍ അനില്‍ രാജാണ് കിണറ്റിലിറങ്ങി പശുകുട്ടിയെ രക്ഷിച്ചത്.