കോവളം: കഴിഞ്ഞ ദിവസം കടലില്‍ കുളിക്കാനിറങ്ങി ഒഴുക്കില്‍പ്പെട്ട് കാണാതായ യുവാവിനായുള്ള തിരച്ചില്‍ തുടരുന്നു. തീരദേശ പൊലിസ്, മറൈന്‍ എന്‍ഫോഴ്‌സ്‌മെന്റ് എന്നിവയുടെ ബോട്ടുകള്‍ ഇന്നലെ രാവിലെ മുതല്‍ വൈകുന്നേരം വരെ തെരച്ചില്‍ നടത്തിയെങ്കിലും ഒരുഫലവുമുണ്ടായില്ല. ബീമാപ്പള്ളി മാണിക്യ വിളാകം സ്വദേശി ഷാഹുല്‍ ഹമീദിന്റെ മകന്‍ അല്‍ അമീന്‍ (21) നെയാണ് ഞായറാഴ്ച സന്ധ്യയോടെ കടലില്‍ കുളിക്കുന്നതിനിടെ തിരയൊഴുക്കില്‍ പെട്ട് കാണാതായത്. തിരച്ചില്‍ ഇന്നും തുടരും.