റോം: ബുധനാഴ്ച ചാംപ്യന്‍സ് ലീഗിന്റെ ക്വാര്‍ട്ടര്‍ മത്സരത്തിനിറങ്ങുന്ന യുവന്റസിന് ആശ്വാസ വാര്‍ത്ത. പരുക്കില്‍നിന്ന് മുക്തനായ ക്രിസ്റ്റ്യാനോ റൊണാള്‍ഡോ ടീമില്‍ തിരിച്ചെത്തുമെന്നതാണ് ടീമിന് ആത്മവിശ്വാസം നല്‍കുന്നത്. രാജ്യാന്തര മത്സരത്തിനിടെ പരുക്കേറ്റ ക്രിസ്റ്റ്യാനോ പിന്നീട് മത്സരത്തിനിറങ്ങിയിരുന്നില്ല. പരുക്ക് കാരണം ചാംപ്യന്‍സ് ലീഗില്‍ കളിക്കാന്‍ കഴിയുമോ എന്ന ആശങ്കയു@ായിരുന്നു.

എന്നാല്‍ പരുക്ക് മാറിയ താരം ടീമില്‍ തിരിച്ചെത്തുമെന്നാണ് പുതിയ വാര്‍ത്തകള്‍. പ്രീ ക്വാര്‍ട്ടറില്‍ ക്രിസ്റ്റ്യാനോയുടെ തകര്‍പ്പന്‍ പ്രകടനം കൊ@ായിരുന്നു അത്‌ലറ്റികോ മാഡ്രിഡിനെ തകര്‍ത്ത് യുവന്റസ് ക്വാര്‍ട്ടറില്‍ പ്രവേശിച്ചത്. അതേസമയം, മധ്യനിര താരം എമിറെ ചാന് പരുക്കേറ്റത് ടീമിന് തിരിച്ചടിയാണ്. കഴിഞ്ഞ ദിവസം എ.സി മിലാനെതിരേ കളിക്കുന്നതിനിടെയായിരുന്നു ചാന് പരിക്കേറ്റത്. പരുക്കേറ്റ താരം മത്സരം മതിയാക്കി കളംവിടുകയും ചെയ്തിരുന്നു. ആങ്കിളിനാണ് ചാന് പരുക്കേറ്റിട്ടുള്ളത്. പരുക്ക് കാരണം താരം ചാംപ്യന്‍സ് ലീഗില്‍ കളിക്കുന്ന കാര്യം സംശയത്തിലാണെന്ന് അലെഗ്രി പറഞ്ഞു. സീരി എയിലെ അവസാന മത്സരത്തില്‍ വിശ്രമം അനുവദിച്ച കെല്ലിനിയും ചാംപ്യന്‍സ് ലീഗ് സ്‌ക്വാഡില്‍ ഉള്‍പ്പെടുമെന്നും അലെഗ്രി പറഞ്ഞു.