കല്‍പ്പറ്റ: കെ.എന്‍.എം സംസ്ഥാന കമ്മിറ്റി സംഘടിപ്പിക്കുന്ന അന്ധവിശ്വാസങ്ങള്‍ക്കെതിരേ നവോഥാന മുന്നേറ്റം എന്ന കാംപയിന്റെ ഭാഗമായി ഐ.എസ്.എം സംഘടിപ്പിക്കുന്ന സന്ദേശ യാത്ര ഇന്ന് ജില്ലയില്‍ പര്യടനം നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. രാവിലെ ഒന്‍പതിന് നിരവില്‍പ്പുഴയില്‍ തൊണ്ടര്‍നാട് പഞ്ചായത്ത് പ്രസിഡന്റ് പി.എ ബാബു ജാഥ ഉദ്ഘാടനം ചെയ്യും.
അബ്ദുറഹ്മാന്‍ സുല്ലമി, മുസ്തഫാ ഫാറൂഖി സംസാരിക്കും. കോറോം, മക്കിയാട്, വെള്ളമുണ്ട, തരുവണ, നാലാംമൈല്‍, ഉള്ളിക്കല്‍, മാനന്തവാടി, ദ്വാരക, അഞ്ചാംമൈല്‍, പനമരം, കൈതക്കല്‍, പുലിക്കാട്, ആറുവാള്‍, പുതുശ്ശരിക്കടവ് തുടങ്ങിയ സ്ഥലങ്ങളിലെ പര്യടനത്തിന് ശേഷം പടിഞ്ഞാറത്തറയില്‍ ജാഥ സമാപിക്കും.
 സമാപന സമ്മേളനം പടിഞ്ഞാറത്തറ പഞ്ചായത്ത് പ്രസിഡന്റ് പി. സജേഷ് ഉദ്ഘാടനം ചെയ്യും. അലിമദനി മൊറയൂര്‍, ഹനീഫ് കായക്കൊടി തുടങ്ങിയവര്‍ സംസാരിക്കും. വാര്‍ത്താസമ്മേളനത്തില്‍ കെ.എന്‍.എം ജില്ലാ സമിതി അംഗം എ.പി സ്വാലിഹ്, ഐ.എസ്.എം ജില്ലാ പ്രസിഡന്റ് നിഅ്മത്തുല്ല, സെക്രട്ടറി സ്വാലിഹ് കെ. മഷ്ഹൂദ്, ബഷീര്‍ സ്വലാഹി സംബന്ധിച്ചു.