ന്യൂഡല്‍ഹി: സത്യത്തെ താല്‍ക്കാലികമായി വിഘ്‌നപ്പെടുത്താന്‍ കഴിഞ്ഞേക്കും. എന്നാല്‍ തോല്‍പിക്കാനാവില്ല. ചുമതലകളില്‍ പുറത്താക്കപ്പെട്ടതിനു പിന്നാലെ സച്ചിന്‍ പൈലറ്റ് ട്വീറ്റ് ചെയ്തു.

അശോക് ഗെലോട്ടുമായുള്ള തര്‍ക്കത്തിനും തുടര്‍ന്നുണ്ടായ സംഭവവികാസങ്ങള്‍ക്കും പിന്നാലെ രാജസ്ഥാന്‍ ഉപമുഖ്യമന്ത്രി സ്ഥാനത്തു നിന്നും പാര്‍ട്ടി അധ്യക്ഷ സ്ഥാനത്തു നിന്നും സച്ചിന്‍ പൈലറ്റിനെ നീക്കിയിരുന്നു. സച്ചിനെ പിന്തുണച്ച രണ്ട് മന്ത്രിമാരെയും പുറത്താക്കി. ഗോവിന്ദ് സിങ് ഡോടാസറയാണ് പുതിയ പി.സി.സി അധ്യക്ഷന്‍.

രാജസ്ഥാന്‍ കോണ്‍ഗ്രസ് നിയമസഭാ കക്ഷിയോഗത്തിന് ശേഷമാണ് സച്ചിനെ പുറത്താക്കാനുള്ള തീരുമാനമെടുത്തത്. യോഗത്തില്‍ സച്ചിന്‍ പങ്കെടുത്തിരുന്നില്ല. അശോക് ഗെഹ്‌ലോട്ട്, കെ.സി വേണുഗോപാല്‍, രണ്‍ദീപ് സുര്‍ജേവാല , അജയ് മാക്കന്‍ എന്നിവരുടെ നേതൃത്വത്തിലായിരുന്നു യോഗം.