കൊച്ചി: സ്വര്‍ണക്കടത്തു കേസില്‍ കീഴടങ്ങിയ പ്രതി ജലാല്‍ സ്വര്‍ണം കടത്താന്‍ ഉപയോഗിച്ച കാര്‍ കസ്റ്റംസ് കസ്റ്റഡിയിലെടുത്തു. മൂവാറ്റുപുഴയില്‍ നിന്ന് പിടികൂടിയ കാര്‍ കൊച്ചി കസ്റ്റംസ് ഓഫിസില്‍ എത്തിച്ചു.

ജലാലിന്റെ ഉടമസ്ഥതയിലുള്ള കാറില്‍ സ്വര്‍ണക്കടത്തിന് പ്രത്യേക രഹസ്യഅറ സജ്ജീകരിച്ചിട്ടുണ്ട്. കാറിന്റെ മുന്‍സീറ്റിനടിയിലാണ് പ്രത്യേക അറയുള്ളത്.

മുന്‍പ് തിരുവനന്തപുരം വിമാനത്താവളം വഴി നടത്തിയ സ്വര്‍ണക്കടത്തില്‍ പ്രതിയായ ജലാല്‍ മുന്‍പും നിരവധി വിമാനത്താവളങ്ങളിലൂടെ സ്വര്‍ണം കടത്തിയിട്ടുണ്ട്.
വിമാനത്താവളത്തിലെ നയതന്ത്രസ്വര്‍ണ്ണക്കടത്തുമായി ബന്ധപ്പെട്ട് പിടിയിലായ റമീസുമായി ഇയാള്‍ക്ക് അടുത്ത ബന്ധമുണ്ട്.