തിരുവനന്തപുരം: തിരുവനന്തപുരം യത്തീംഖാനയുടെ 47-ാം വാര്‍ഷികത്തോടനുബന്ധിച്ച് സംഘടിപ്പിക്കുന്ന യത്തീംഫെസ്റ്റിന് വള്ളക്കടവ് അറഫാ ഓഡിറ്റോറിയത്തില്‍  തുടക്കമായി. സാങ്കേതിക സര്‍വ്വകലാശാലാ പ്രോ വൈസ്ചാന്‍സലര്‍ ഡോ. അബ്ദുറഹ് മാന്‍ ഫെസ്റ്റ്  ഉദ്ഘാടനം ചെയ്തു. യത്തീംഖാനാ മുന്‍പ്രസിഡന്റ് കെ. എം സ്വലാഹി അധ്യക്ഷനായി. കേരളാ യൂനിവേഴ്‌സിറ്റി സിന്‍ഡിക്കറ്റ് അംഗം എം.കെ.എ റഹീം, ഡോ. എ. നിസാറുദ്ദീന്‍, വിഴിഞ്ഞം സഈദ് മൗലവി,  എം.കെ നാസറുദ്ദീന്‍, അഡ്വ. എം.എം ഹുസൈന്‍,  ഫിറോസ്ഖാന്‍, ഇ. സുധീര്‍, വിഴിഞ്ഞം ഫാറൂഖ് സഖാഫി, വള്ളക്കടവ് ആബ്ദിന്‍, എം.കെ അഷ്‌റഫുദ്ദീന്‍ എന്നിവര്‍ സംസാരിച്ചു.
ഇന്നു വൈകുന്നേരം അഞ്ചിന്   ഭിന്നശേഷിയുള്ള പ്രതിഭയായ ഹാഫിസ് വര്‍ക്കലയുടെ ഖുര്‍ആന്‍ വിസ്മയ പരിപാടി നടക്കും.  കാസര്‍കോഡ് മുതല്‍ തിരുവനന്തപുരം വരെയുള്ള ആയിരത്തോളം  മത്സരാര്‍ഥികള്‍ ഏഴുവേദികളിലായി മാറ്റുരയ്ക്കുന്ന ഫെസ്റ്റ് വ്യാഴാഴ്ച സമാപിക്കും.