ചെറുമോത്ത്: ധാര്‍മിക വിദ്യാഭ്യാസം മാനവികത വളര്‍ത്തുന്നുവെന്ന് ചേലക്കാട് മുഹമ്മദ് മുസ്‌ലിയാര്‍ അഭിപ്രായപ്പെട്ടു. ആത്മീയ ഉന്നതിയിലൂടെ മാത്രമേ ഭൗതികവും ശാശ്വതവുമായ സ്വസ്ഥത നേടിയെടുക്കാനാവുകയുള്ളൂ. ക്രിയാത്മക സാമൂഹിക പുരോഗതിക്ക് എളുപ്പം സൃഷ്ടിക്കാന്‍ ധാര്‍മിക വൈജ്ഞാനിക പ്രചാരണത്തിന് സമൂഹം കൂടുതല്‍ ഊന്നല്‍ നല്‍കണമെന്നും അദ്ദേഹം കൂട്ടിച്ചേര്‍ത്തു.
ചെറുമോത്ത് ശംസുല്‍ ഉലമാ വാഫി കോളജില്‍ വാഫി-ഡിഗ്രി കോഴ്‌സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കോളജ് പ്രസിഡന്റ് ടി.ടി.കെ ഖാദര്‍ ഹാജി അധ്യക്ഷനായി. അഹ്മദ് ബാഖവി ജാതിയേരി, ടി.വി.സി അബ്ദുല്‍ സമദ് ഫൈസി, അബ്ദുല്‍ ഗഫൂര്‍ ഫൈസി, ടി.എം.വി അബ്ദുല്‍ ഹമീദ്, പി.പി അഷ്‌റഫ് മൗലവി, കോറോത്ത് അഹ്മദ് ഹാജി, എന്‍.കെ ജമാല്‍ ഹാജി, അബ്ദുല്‍ അസീസ് ഫൈസി, മുനീര്‍ പുറമേരി, സിറാജ് ഫര്‍സാദ് നദ്‌വി, സിറാജ് ചെറുമോത്ത് സംസാരിച്ചു.