തിരുവനന്തപുരം: മലപ്പുറം ലോക്‌സഭാ ഉപതെരഞ്ഞെടുപ്പില്‍ വിജയിച്ച പി.കെ കുഞ്ഞാലിക്കുട്ടി എം.എല്‍.എ സ്ഥാനം രാജിവച്ചു.
വേങ്ങര നിയമസഭാ മണ്ഡലത്തിലെ എം.എല്‍.എയായിരുന്നു. ഇന്നലെ വൈകിട്ട് നടന്ന യു.ഡി.എഫ് യോഗത്തിന് ശേഷമാണ് സ്പീക്കറെ കണ്ട് രാജിക്കത്ത് നല്‍കിയത്.
ദേശീയതലത്തില്‍ മതേതര കൂട്ടായ്മക്കായി ശ്രമം നടത്തുമെന്നു രാജിവച്ചശേഷം കുഞ്ഞാലിക്കുട്ടി പറഞ്ഞു.
എം.പിയായിരുന്ന ഇ അഹമ്മദിന്റെ നിര്യാണത്തെ തുടര്‍ന്നാണ് ഉപതെരഞ്ഞെടുപ്പു നടന്നത്.
പി.കെ കുഞ്ഞാലിക്കുട്ടി 1,71,023 വോട്ടിന്റെ ഭൂരിപക്ഷത്തിനാണ് എല്‍.ഡി.എഫിലെ എം.ബി.ഫൈസലിനെ പരാജയപ്പെടുത്തിയത്.