താമരശ്ശേരി: കോഴിക്കോട് ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി എം.കെ രാഘവന്‍ കൊടുവള്ളിയില്‍ രണ്ടാംഘട്ട പര്യടനം നടത്തി. രാവിലെ കിഴക്കോത്ത് പഞ്ചായത്തിലെ കത്തറമ്മലില്‍നിന്ന് ആരംഭിച്ച പര്യടനം ലീഗ് സംസ്ഥാന ഉപാധ്യക്ഷനും മുന്‍ എം.എല്‍.എയുമായ സി. മോയിന്‍കുട്ടി ഉദ്ഘാടനം ചെയ്തു.
തുടര്‍ന്ന് എളേറ്റില്‍ വട്ടോളി, കാരാടി, വാടിക്കല്‍, പൂക്കോട്, കന്നൂട്ടിപ്പാറ, ചമല്‍, പൂലോട്, അമ്പായത്തോട്, മങ്ങാട്, വെണ്ണക്കോട്, നടമ്മല്‍പൊയില്‍, കൊളത്തക്കര, മാനിപുരം, കരുവന്‍പൊയില്‍, എരഞ്ഞിക്കോത്ത് എന്നിവിടങ്ങളില്‍ പര്യടനം നടത്തി. കൊടുവള്ളിയിലായിരുന്നു സമാപന പൊതുയോഗം. കെ.എം മാണിയുടെ നിര്യാണത്തെ തുടര്‍ന്ന് വാദ്യമേളങ്ങളും വാഹന ജാഥയും ഒഴിവാക്കിയാണ് മണ്ഡലത്തിലുടനീളം പര്യടനം നടത്തിയത്.
വിവിധ കേന്ദ്രങ്ങളില്‍ സി. മോയിന്‍കുട്ടി, എം.എ റസാഖ് മാസ്റ്റര്‍, വി.എം ഉമ്മര്‍ മാസ്റ്റര്‍, അഡ്വ. പി.എം നിയാസ്, എം.എ ഗഫൂര്‍, പി.സി ഹബീബ് തമ്പി, സി.ടി ഭരതന്‍ മാസ്റ്റര്‍, പി.സി മുഹമ്മദ്, വി. ഇല്യാസ്, പി. ശശീന്ദ്രന്‍ മാസ്റ്റര്‍, കെ.സി ഖാദര്‍, ടി.കെ മുഹമ്മദ് മാസ്റ്റര്‍, പി.എസ് മുഹമ്മദലി, കെ.എം അഷറഫ്, ടി.ആര്‍ ഓമനക്കുട്ടന്‍, നവാസ് ഈര്‍പ്പോണ, ഹാഫിസ് റഹ്മാന്‍, സുല്‍ഫി കാരാടി, ഹാജറ കൊല്ലര്‍കണ്ടി, വി.കെ അബ്ദുറഹ്മാന്‍, കെ.കെ ജബ്ബാര്‍ മാസ്റ്റര്‍, ഇഖ്ബാല്‍ കത്തറമ്മല്‍, എം.എം വിജയകുമാര്‍, ദേവദാസ് കുട്ടമ്പൂര്‍, റാഷിദ് നന്മണ്ട, ഹബീബ് ചെറൂപ്പ സംസാരിച്ചു.