മുംബൈ: ബോളിവുഡ് യുവ തിരക്കഥാകൃത്ത് കെട്ടിടത്തിന്റെ മുകളില്‍ നിന്ന് ചാടി മരിച്ചു. 32കാരനായ രവിശങ്കര്‍ അലോക് ആണ് മരിച്ചത്.
അന്ധേരിയിലെ സെവന്‍ ബംഗ്ലാവ് ഏരിയയിലായിരുന്നു അലോകിന്റെ താമസം.
നാനാ പടേക്കര്‍ നായകനായെത്തിയ 'അബ് തക് ചപാന്‍' സിനിമയുടെ സഹതിരക്കഥാകൃത്തായിരുന്നു അലോക്. ജീവനൊടുക്കിയതിന്റെ കാരണം വ്യക്തമല്ല. കുറച്ചു മാസങ്ങളായി അലോക് വിഷാദരോഗത്തിനുള്ള ചികിത്സയിലായിരുന്നുവെന്ന് സുഹൃത്തുക്കള്‍ പൊലിസിനെ അറിയിച്ചു.
സംഭവത്തില്‍ സബര്‍ബന്‍ വെര്‍സോവ പൊലിസ് അന്വേഷണം ആരംഭിച്ചിട്ടുണ്ട്.