തയ്യല് തൊഴിലാളികളെ ഇ.എസ്.ഐ പരിധിയില് ഉള്പ്പെടുത്തണം: എ.ഐ.ടി.യു.സി
കൊച്ചി: തയ്യല് തൊഴിലാളികളെ ഇ.എസ്.ഐ പരിധിയില് ഉള്പ്പെടുത്തണമെന്ന് എറണാകുളം ജില്ലാ ടൈലറിങ് വര്ക്കേഴ്സ് യൂനിയന് എ.ഐ.ടി.യു.സി ജില്ലാ സമ്മേളനം സര്ക്കാരിനോട് ആവശ്യപ്പെട്ടു.
ചെറായിയില് നടന്ന ജില്ലാ പ്രതിനിധി സമ്മേളനം എ.ഐ.ടി.യു.സി സംസ്ഥാന ജനറല് സെക്രട്ടറി കെ.പി രാജേന്ദ്രന് ഉദ്ഘാടനം ചെയ്തു. അഡ്വ. ഇ.എം സുനില് കുമാര് അധ്യക്ഷത വഹിച്ചു. എ.ഐ.ടി.യു.സി ജില്ലാ സെക്രട്ടറി കെ.എന് ഗോപി, തയ്യല് തൊഴിലാളി ഫെഡറേഷന് സംസ്ഥാന സെക്രട്ടറി കെ ഭാര്ഗവന്, സി.പി.ഐ ജില്ലാ കൗണ്സില് അംഗം ഇ.സി ശിവദാസ്, എ.ഐ.ടി.യു.സി ജില്ലാ ജോയിന്റ് സെക്രട്ടറി പി.ഒ ആന്റണി, സി.പി.ഐ വൈപ്പിന് മണ്ഡലം സെക്രട്ടറി അഡ്വ. എന്.കെ ബാബു, ടി.എ ആന്റണി, എ.ഐ.ടി.യു.സി വൈപ്പിന് മണ്ഡലം സെക്രട്ടറി കെ.എല് ദിലീപ് കുമാര്, സി.കെ പരമു എന്നിവര് സംസാരിച്ചു.
ജനറല് സെക്രട്ടറി എം.പി രാധാകൃഷ്ണന് പ്രവര്ത്തന റിപ്പോര്ട്ട് അവതരിപ്പിച്ചു. ട്രഷറര് സ്റ്റെല്ല സോമന് കണക്കുകള് അവതരിപ്പിച്ചു. എ.ടി ജോസ് തോമസ് ഭാവി പ്രവര്ത്തന രേഖ അവതരിപ്പിച്ചു. മുതിര്ന്ന എ.ഐ.ടി.യു.സി നേതാവ് വി.കെ രാമകൃഷ്ണന് പതാക ഉയര്ത്തി. പുതിയ ഭാരവാഹികളായി എം.പി രാധാകൃഷ്ണന് (പ്രസിഡന്റ്), ടി.എ ആന്റണി (ജനറല് സെക്രട്ടറി), അഡ്വ. ഇ.എം സുനില് കുമാറിനെ ട്രഷററായും തിരഞ്ഞെടുത്തു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."