ജിദ്ദ: ഹജിനു മുന്നോടിയായുള്ള നടപടിക്രമങ്ങള്‍ ആരംഭിച്ചു. ഹജ് അനുമതി പത്രമില്ലാത്തവരെ മക്കയിലേക്കും പുണ്യസ്ഥലങ്ങളിലേക്കും കടത്തുന്നവര്‍ക്ക് ആറു മാസം വരെ തടവും 50,000 റിയാല്‍ വരെ പിഴയും ശിക്ഷ ലഭിക്കുമെന്ന് ജവാസാത്ത് ഡയറക്ടറേറ്റ് മുന്നറിയിപ്പ് നല്‍കി. ഒരാള്‍ക്ക് 50,000 റിയാല്‍ തോതിലായിരിക്കും കടത്തുന്നവര്‍ക്ക് പഴി. കൂടെ വിദേശികളാണ് ഈ ഉദ്മത്തില്‍ പിടിക്കപ്പെടുന്നതെങ്കില്‍ ശിക്ഷക്കു ശേഷം നാടു കടത്തുകയും ചെയ്യും. ഇതോടൊപ്പം വാഹനങ്ങള്‍ കണ്ടുകെട്ടുകയും ചെയ്യും. ഹജ് അനുമതി പത്രമില്ലാത്തവരെ കടത്താന്‍ ശ്രമിക്കുന്നവര്‍ക്കുള്ള ശിക്ഷാ നടപടികളെക്കുറിച്ചുള്ള വീഡിയോ ജവാസാത്ത് ഡയറക്ടറേറ്റ് പുറത്തുവിട്ടു.
നിയമ ലംഘകര്‍ നുഴഞ്ഞുകയറുന്നത് തടയാന്‍ മക്കയിലേക്കും പുണ്യസ്ഥലങ്ങളിലേക്കുമുള്ള മുഴുവന്‍ വഴികളിലും പരിശോധന കര്‍ശനമാക്കി. മക്കയിലെയും പുണ്യസ്ഥലങ്ങളിലെയും മുഴുവന്‍ സ്ഥലങ്ങളും ഹെലികോപ്റ്ററുകള്‍ ഉപയോഗിച്ച് നിരീക്ഷിക്കുകയും ചെയ്യും.