ഫറോക്ക്: കോഴിക്കോട് പാര്‍ലമെന്റ് മണ്ഡലം യു.ഡി.എഫ് സ്ഥാനാര്‍ഥി എം.കെ രാഘവന്‍ ബേപ്പൂര്‍ മണ്ഡലത്തില്‍ പര്യാടനം നടത്തി. അന്തരിച്ച കെ.എം മാണിയോടുളള ആദര സൂചകമായി ഇന്നലെ രാവിലത്തെ പര്യടനം നിര്‍ത്തിവെച്ചിരുന്നു.
വൈകിട്ട് നാലിന് കരുവന്‍തിരുത്തി കോതാര്‍ത്തോടില്‍ നിന്നാണ് പര്യടനം ആരംഭിച്ചത്. നൂറ് കണക്കിന് പ്രവര്‍ത്തകര്‍ മുദ്രാവാക്യം വിളികളുമായാണ് സ്ഥാനര്‍ഥിയെ സ്വീകരണ കേന്ദ്രത്തിലേക്ക് ആനയിച്ചത്. തുടര്‍ന്ന് കരുവന്‍ത്തിരുത്തി പൂത്തോളം, പുറ്റെക്കാട്, പാതിരിക്കാട്, ചന്തക്കടവ്, രാമനാട്ടുകര നഗരസഭയിലെ പൂവ്വന്നൂര്‍പളളി, പുല്ലുംകുന്ന്, മാളീരി, കുന്നുമ്മല്‍തടായി, കൊടക്കല്ല് പറമ്പ് എന്നിവിടങ്ങളില്‍ പര്യടനം നടത്തി. രാത്രി പരുത്തിപ്പാറയില്‍ സമാപിച്ചു. പര്യടനം മുസ്‌ലിം ലീഗ് സംസ്ഥാന ഉപാധ്യക്ഷന്‍ എം.സി മായിന്‍ ഹാജി ഉദ്ഘാടനം ചെയ്തു. യു.ഡി.എഫ് മണ്ഡലം ചെയര്‍മാന്‍ യു.പോക്കര്‍ അധ്യക്ഷനായി. ടി. ശിവദാസന്‍, പി.സി അഹമ്മദ് കുട്ടി ഹാജി, കെ.കെ ആലിക്കുട്ടി, എന്‍.സി അബ്ദുല്‍ റസാക്ക്, എം.പി ആദം മുല്‍സി, ദിനേഷ് പെരുമണ്ണ, ഷഫീഖ് അരക്കിണര്‍, ടി.കെ അബ്ദുല്‍ ഗഫൂര്‍, കെ.സുരേഷ്, മുഹമ്മദ് കക്കാട്, പി.കുഞ്ഞിമൊയ്തീന്‍, തസ്‌വീര്‍ഹസ്സന്‍, കെ.സുബ്രഹ്മണ്യന്‍ സംസാരിച്ചു.