മേപ്പയ്യൂര്‍: ലോകകപ്പ് ഫുട്‌ബോള്‍ ആവേശം പങ്കുവച്ച് ലോകകപ്പ് സന്ദേശഗാനം സി.ഡി തൊഴില്‍ എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ പ്രകാശനം ചെയ്തു. ചടങ്ങില്‍ ഗാനം അടങ്ങിയ സി.ഡി ഇത് തയ്യാറാക്കിയ സ്‌കൂളിലെ 10ാംതരം വിദ്യാര്‍ഥി ആദില്‍ കൃഷ്ണ മന്ത്രിക്ക് സമര്‍പ്പിച്ചു. മേലടി ബ്ലോക്ക് പഞ്ചായത്ത് പ്രസിഡന്റ് കെ. കുഞ്ഞിരാമന്‍ അധ്യക്ഷനായി. സംഗീത ഉപകരണങ്ങള്‍ കൈകാര്യം ചെയ്യുന്നതില്‍ പ്രാവിണ്യം നേടിയ മിടുക്കനാണ് ആദില്‍ കൃഷ്ണ. സ്‌കൂള്‍തലത്തിലും, സബ് ജില്ലാതലത്തിലും നാടക മത്സരങ്ങളിലും ശ്രദ്ധേയമായ അഭിനയം കാഴ്ചവച്ചിട്ടുണ്ട്. എച്ച്.ഡി നിലവാരത്തിലുള്ള വീഡിയോ സി.ഡിയാണ് തയ്യാറാക്കിയത്. പഞ്ചായത്ത് പ്രസിഡന്റ് പി.കെ റീന, കെ. രാജീവന്‍, കെ.കെ രാഘവന്‍, ഭാസ്‌കരന്‍ കൊഴുക്കല്ലൂര്‍, കെ.പി രാമചന്ദ്രന്‍, ഏ.സി അനൂപ്, മഞ്ഞക്കുളം നാരായണന്‍, ടി.എം ഗീത, വി.പി ഉണ്ണികൃഷ്ണന്‍, വി.പി നിത, എം.എം സുധാകരന്‍, വി.പി സതീശന്‍ ഇ. പ്രകാശന്‍ സംസാരിച്ചു.