കോഴിക്കോട്: മതം ഒളിച്ചോട്ടമല്ലെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. സ്‌നേഹവും സമാധാനവും സൗഹൃദവും ഉല്‍ഘോഷിക്കുന്ന നന്മയില്‍ അധിഷ്ടിതമായ സുതാര്യമായ സരണിയാണ് മതമെന്നും അദ്ദേഹം പറഞ്ഞു. മുസ്‌ലിം യൂത്ത്‌ലീഗ് സംസ്ഥാന കമ്മിറ്റി കോഴിക്കോട്ടു സംഘടിപ്പിച്ച 'യുവാക്കളുടെ തിരോധാനവും കേരളത്തിന്റെ ആശങ്കയും' ചര്‍ച്ചാസംഗമം ഉദ്ഘാടനം ചെയ്യുകയായിരുന്നു തങ്ങള്‍.
സംസ്ഥാന പ്രസിഡന്റ് പി.എം സാദിഖലി അധ്യക്ഷനായി. ഡോ. എം.കെ മുനീര്‍ എം.എല്‍.എ, ചെറിയമുണ്ടം അബ്ദുല്‍ ഹമീദ് മദനി, അബ്ദുസ്സമദ് പൂക്കോട്ടൂര്‍, അഷ്‌റഫ് കടക്കല്‍, സംസ്ഥാന ഭാരവാഹികളായ പി.കെ ഫിറോസ്, കെ.ടി അബ്ദുറഹ്മാന്‍, കോഴിക്കോട് ജില്ലാ പ്രസിഡന്റ് നജീബ് കാന്തപുരം, ജനറല്‍ സെക്രട്ടറി അഡ്വ. എ.വി അന്‍വര്‍, മലപ്പുറം ജില്ലാ പ്രസിഡന്റ് നൗഷാദ് മണ്ണിശ്ശേരി, ജനറല്‍ സെക്രട്ടറി ഉസ്മാന്‍ താമരത്ത്, കാസര്‍കോട് ജില്ലാ ജനറല്‍ സെക്രട്ടറി എ.കെ.എം അഷ്‌റഫ് സംസാരിച്ചു. സംസ്ഥാന ജനറല്‍ സെക്രട്ടറി സി.കെ സുബൈര്‍ സ്വാഗതവും വൈസ് പ്രസിഡന്റ് സി.പി.എ അസീസ് നന്ദിയും പറഞ്ഞു