കാസര്‍കോട്: സമസ്ത കേരള ജംഇയ്യത്തുല്‍ മുഅല്ലിം അറുപതാം വാര്‍ഷികത്തിന്റെ ഭാഗമായി നടക്കുന്ന അറുപതിന പരിപാടികളുടെ ജില്ലാതല പ്രഖ്യാപനം ഇന്ന് നടക്കും. സൗത്ത് ചിത്താരി മദ്‌റസയില്‍ അജാനൂര്‍ റെയ്ഞ്ച് ട്രഷര്‍ കൂലികാട് കുഞ്ചബ്ദുല്ല ഹാജി പതാക ഉയര്‍ത്തും. സമസ്ത ജില്ലാ പ്രസിഡന്റ് ത്വാഖ അഹമദ് അല്‍ അസ്ഹരി ഉദ്ഘാടനം ചെയ്യും.
എം.എസ് തങ്ങള്‍ മദനി പ്രാര്‍ഥന നടത്തും. സമസ്ത ജനറല്‍ സെക്രട്ടറി യു.എം അബ്ദുല്‍ റഹിമാന്‍ മൗലവി അധ്യക്ഷനാകും. എം.എ ഖാസിം മുസ്‌ലിയാര്‍ മുഖ്യപ്രഭാഷണം നടത്തും. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് ടി.പി.അലിഫൈസി ജില്ലാതല സ്വാഗതസംഘ പ്രഖ്യാപനം നടത്തും. ഹനീഫ് ഹുദവി ദേലംപാടി പ്രമേയ പ്രഭാഷണം നടത്തും.
'സുപ്രഭാതം' പത്രത്തിന്റെ വരിക്കാരെ ചേര്‍ക്കലിന്റെ ജില്ലാതല ഉത്ഘാടനം 'സുപ്രഭാതം' ഡയരക്ടര്‍ മെട്രോ മുഹമ്മദ് ഹാജി കാഞ്ഞങ്ങാട് റെയ്ഞ്ച് മാനേജ്‌മെന്റ് ട്രഷര്‍ കെ.ബി കുട്ടി ഹാജിയെ ചേര്‍ത്തു നിര്‍വഹിക്കുമെന്ന് ജംഇയ്യത്തുല്‍ മുഅല്ലിമീന്‍ ജനറല്‍ സെക്രട്ടറി ഹുസൈന്‍ തങ്ങള്‍ അറിയിച്ചു.