കോട്ടയം: ലോക്‌സഭാ തെരഞ്ഞെടുപ്പില്‍ വിശ്വകര്‍മ സംഘടനകളായ വിശ്വകര്‍മ്മ സര്‍വിസ് സൊസൈറ്റി, അഖില കേരള വിശ്വകര്‍മ മഹാസഭ, കേരള വിശ്വകര്‍മ സഭ എന്നീ സംഘടനകള്‍ യു.ഡി.എഫിനെ പിന്തുണയ്ക്കാന്‍ തീരുമാനിച്ചതായി ഭാരവാഹികള്‍ അറിയിച്ചു. തങ്ങളെ സഹായിച്ചവരെ തിരിച്ച് സഹായിക്കുക എന്നതാണ് തങ്ങളുടെ നയമെന്നും അവര്‍ വ്യക്തമാക്കി. വിശ്വകര്‍മ സമുദായത്തിന്റെ ആവശ്യങ്ങള്‍ പരിഗണിച്ചതും നടപടികള്‍ സ്വീകരിച്ചതും യു.ഡി.എഫ് സര്‍ക്കാരാണെന്നും നേതാക്കള്‍ ചൂണ്ടിക്കാട്ടി.