മഞ്ചേരി: ഏറനാട് നോളജ് സിറ്റി ടെക്‌നിക്കല്‍ കാംപസ് എന്‍.എസ്.എസ് സെല്ലിന്റെ ആഭിമുഖ്യത്തില്‍ സപ്തദിന ക്യാംപിന് തുടക്കമായി. ആശുപത്രിയിലെ ഉപയോഗശൂന്യമായ ഉപകരണങ്ങള്‍ പുനര്‍ജീവിപ്പിക്കുകയാണ് 'പുനര്‍ജനി' ക്യാംപിന്റെ ലക്ഷ്യം. മഞ്ചേരി ഗവ.ആയുര്‍വേദിക് ആശുപത്രിയില്‍ നടന്ന ചടങ്ങ് അഡ്വ. എം.ഉമ്മര്‍ എം.എല്‍.എ ഉദ്ഘാടനം ചെയ്തു.
നഗരസഭാ ചെയര്‍പേഴ്‌സണ്‍ വി.എം സുബൈദ അധ്യക്ഷയായി. ഇ.കെ.സി പ്രിന്‍സിപ്പല്‍ ഡോ.പ്രിസ്റ്റിലി ഷാന്‍, ഗവ.ആയുര്‍വേദിക് കോളജ് ചീഫ് മെഡിക്കല്‍ ഓഫിസര്‍ ഡോ.സുധ, മുജീബ് കുരിക്കള്‍, അഡ്വ.ഫിറോസ് ബാബു, കെ.ശമീര്‍, ഷംല ബീവി, നഗരസഭാ കൗണ്‍സിലര്‍മാരായ സുനീറ, സമീറ മുസ്തഫ, വ്യാപാരി വ്യവസായി ഭാരവാഹികളായ നിവിന്‍ ഇബ്രാഹീം, അബ്ദുറസാഖ് തുടങ്ങിയവര്‍ പങ്കെടുത്തു