മലപ്പുറം: രാജ്യത്തെ കര്‍ഷകരുടെ കണ്ണുനീര്‍ കാണാന്‍ ചൗക്കീദാറിന് സമയമില്ലെന്ന് ഭരണപരിഷ്‌കരണ കമ്മിഷന്‍ ചെയര്‍മാന്‍ വി.എസ് അച്യുതാനന്ദന്‍.
മലപ്പുറത്ത് നടന്ന എല്‍.ഡി.എഫ് തെരഞ്ഞെടുപ്പ് പൊതുയോഗം ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്തിന്റെ മതനിരപേക്ഷത തകര്‍ക്കാനാണ് സര്‍ക്കാര്‍ ശ്രമിക്കുന്നത്. തുറമുഖങ്ങളും വിമാനത്താവളങ്ങളും അദാനിക്ക് എഴുതിക്കൊടുത്ത കേന്ദ്രസര്‍ക്കാര്‍ കള്ളന്മാരുടെയും കൊള്ളക്കാരുടെയും സംഘമാണ്. രാജ്യത്തുടനീളം വര്‍ഗീയ കലാപങ്ങള്‍ക്ക് കോപ്പുകൂട്ടുന്ന ബി.ജെ.പി സര്‍ക്കാരിനെ താഴെയിറക്കണമെന്നും വി.എസ് പറഞ്ഞു.