തിരൂര്‍: തുഞ്ചത്ത് ജ്വല്ലറിയുടെ പേരില്‍ 40 കോടി രൂപയുടെ നിക്ഷേപ തട്ടിപ്പ് നടത്തിയ കേസില്‍ കമ്പനിയുടെ ഡയറക്ടറായിരുന്ന ഒരാള്‍ കൂടി അറസ്റ്റില്‍. കേസിലെ ഒന്‍പതാം പ്രതിയായ താനാളൂര്‍ പട്ടരുപറമ്പില്‍ തട്ടാരമ്പത്ത് പ്രസാദി (32) നെയാണ് തിരൂര്‍ പൊലിസ് അറസ്റ്റ് ചെയ്തത്.മുഖ്യ പ്രതി ഒഴൂര്‍ ഓണക്കാട് മുതിയേരി ജയചന്ദ്രന്‍ നേരത്തെ അറസ്റ്റിലായി ജയിലായിരുന്നുവെങ്കിലും ജാമ്യത്തിലിറങ്ങിയിരുന്നു. എന്നാല്‍ ജാമ്യവ്യവസ്ഥ ലംഘിച്ചതിന് കഴിഞ്ഞ ദിവസം വീണ്ടും ഇയാളെ റിമാന്‍ഡ് ചെയ്തു. പ്രസാദ് ഇതുവരെ ഒളിവില്‍ കഴിയുകയായിരുന്നുവെന്ന് പൊലിസ് പറഞ്ഞു. നിക്ഷേപകരെ സംഘടിപ്പിച്ച് ഇതേ കേസില്‍ പൊലിസ് സ്റ്റേഷന്‍ മാര്‍ച്ച് വരെ നടത്തിയയാളാണ് അറസ്റ്റിലായ പ്രസാദ്.