കല്‍പ്പറ്റ: സുപ്രഭാതം ദിനപത്രത്തിന്റെ അഞ്ചാമത് വാര്‍ഷികാഘോഷങ്ങളുടെ ഭാഗമായി ജില്ലയിലെ വിവിധ റെയ്ഞ്ച് തലങ്ങളില്‍ സുപ്രഭാതം നേതൃസംഗമങ്ങള്‍ സംഘടിപ്പിച്ചു.
റെയ്ഞ്ച് ജംഇയ്യത്തുല്‍ മുഅല്ലിമീന്‍, മഹല്ല്, മദ്‌റസാ മാനേജ്‌മെന്റ് ഭാരവാഹികള്‍, സമസ്ത പോഷക ഘടകങ്ങളുടെ ഭാരവാഹികള്‍ തുടങ്ങിയവരാണ് നേതൃസംഗമങ്ങളില്‍ പങ്കാളികളായത്. ജൂലൈ 15 മുതല്‍ ഓഗസ്റ്റ് 15 വരെയാണ് മലയാളത്തിന്റെ സുകൃതം എന്ന പ്രമേയത്തില്‍ വാര്‍ഷിക വരിക്കാരെ ചേര്‍ക്കുന്നതിനായി കാംപയിന്‍ ആചരിക്കുന്നത്. സമസ്ത ഓഡിറ്റോറിയത്തില്‍ നടന്ന കല്‍പ്പറ്റ റെയ്ഞ്ച് നേതൃസംഗമം പ്രസിഡന്റ് വി. അബ്ബാസ് ഫൈസി ഉദ്ഘാടനം ചെയ്തു. മുഫത്തിശ് പി. ഉമര്‍ ബാഖവി അധ്യക്ഷനായി. ജില്ലാ കോഡിനേറ്റര്‍ ഹാരിസ് ബാഖവി മുഖ്യപ്രഭാഷണം നടത്തി. മുദരിബ് ശിഹാബുദ്ദീന്‍ ഫൈസി, നെയ്യില്‍ സൂപ്പി, എച്ച്.കെ.കെ മുഹമ്മദ്, അബൂബക്കര്‍ മൗലവി, സി മുഹമ്മദ് കുട്ടി ബാഖവി സംസാരിച്ചു. റെയ്ഞ്ച് സെക്രട്ടറി സൈനുല്‍ ആബിദ് ദാരിമി സ്വാഗതവും സാജിദ് ബാഖവി നന്ദിയും പറഞ്ഞു. ബീനാച്ചി നൂറുല്‍ ഇസ്‌ലാം മദ്‌റസയില്‍ നടന്ന മീനങ്ങാടി റെയ്ഞ്ച് നേതൃസംഗമം ശരീഫ് ഹാജി ഉദ്ഘാടനം ചെയ്തു. മുഫത്തിശ് അലി ഫൈസി അധ്യക്ഷനായി. ഹംസ ദാരിമി വിഷയമവതരിപ്പിച്ചു. അഷ്‌റഫ് ദാരിമി, മുസ്തഫ ഫൈസി, കെ.കെ ബശീര്‍, അസീസ് മൗലവി, നജ്മുദ്ദീന്‍ ദാരിമി സംസാരിച്ചു. ഹംസ ഫൈസി ചേരമ്പാടി സ്വാഗതവും ഹംസ ദാരിമി നന്ദിയും പറഞ്ഞു. മന്‍സൂറുല്‍ ഇസ്‌ലാം മദ്‌റസയില്‍ നടന്ന പനമരം റെയ്ഞ്ച് നേതൃസംഗമം ഡി. അബ്ദുല്ല ഹാജി ഉദ്ഘാടനം ചെയ്തു. സി.കെ അബ്ദുല്‍ മജീദ് ദാരിമി അധ്യക്ഷനായി. ജില്ലാ കോഡിനേറ്റര്‍ ഹാരിസ് ബാഖവി വിഷയമവതരിപ്പിച്ചു. മുഫത്തിശ് ഹനീഫല്‍ ഫൈസി, വി. അസൈനാര്‍, കുണ്ടാല അബ്ദുല്ല മൗലവി, ശംസുദീന്‍ വാഫി, ഹസൈനാര്‍ കാറാട്ടുകുന്ന് സംസാരിച്ചു. റെയ്ഞ്ച് സെക്രട്ടറി അഷ്‌റഫ് ഫൈസി സ്വാഗതവും കെ. മൊയ്തു മൗലവി നന്ദിയും പറഞ്ഞു. ടൗണ്‍ മദ്‌റസയില്‍ നടന്ന മാനന്തവാടി റെയ്ഞ്ച് നേതൃസംഗമം ഉമര്‍ ദാരിമി ഉദ്ഘാടനം ചെയ്തു. മുഫത്തിശ് ഇബ്‌റാഹിം ദാരിമി അധ്യക്ഷനായി. ഉമര്‍ ഫൈസി, ജലീല്‍ ദാരിമി, ഹനീഫ് റഹ്മാനി, സാബിത് വാഫി, മഞ്ചേരി ഉസ്മാന്‍, ജംഷീര്‍ പാണ്ടിക്കടവ്, ഉമര്‍ ചെല്ലട്ട, മൊയ്തുട്ടി അമ്പലവയല്‍ സംസാരിച്ചു. അബ്ദുല്‍ജലീല്‍ ഫൈസി സ്വാഗതവും മുനീര്‍ ദാരിമി നന്ദിയും പറഞ്ഞു.