നെയ്യാറ്റിന്‍കര: കോണ്‍ഗ്രസ് നേതാവ് എസ്.കെ ജയചന്ദ്രന്റെ (മൈനു) മകനും യൂത്ത് കോണ്‍ഗ്രസ് നേതാവുമായ പെരുമ്പഴുതൂര്‍ മാമ്പഴക്കര മുള്ളറവിള മാന്തറ ഷീജ ഭവനില്‍ അനീഷിനെ (33) ആണ് ഗുണ്ടാ ആക്രമണ കേസില്‍ പൊലിസ് അറസ്റ്റ് ചെയ്തത്. കഴിഞ്ഞ 27ന് മുള്ളറവിള സ്വദേശി രാജീവിനെ മാരകായുധങ്ങളുമായി മര്‍ദിച്ച കേസിലാണ് അറസ്റ്റ്.
             ആക്രമണം നടത്തിയ ശേഷം ഒളിവില്‍ കഴിയുകയായിരുന്ന പ്രതിയെകുറിച്ച് തിരുവനന്തപുരം റൂറല്‍ എസ്.പിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നെയ്യാറ്റിന്‍കര എസ്.ഐ സുജിത്തിന്റെ നേതൃത്വത്തിലുളള പൊലീസ് സംഘമാണ് പ്രതിയെ പിടികൂടിയത്.
ഇയാള്‍ പത്തോളം അടിപിടി കേസില്‍ ഉള്‍പ്പെട്ടയാളാണെന്നും രാഷ്ട്രീയ സ്വധീനം ഉപയോഗിച്ച് ഇത്രയും നാള്‍ രക്ഷപ്പെടുകയായിരുന്നുവെന്നും പൊലീസ് പറഞ്ഞു.
 കൂടാതെ അമരവിള എക്‌സൈസ് പിടികൂടിയ സ്പിരിറ്റ് കടത്ത് കേസിലും ഇയാള്‍ പ്രതിയാണ്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.