കളമശ്ശേരി: കലോത്സവത്തിനിടെ പോളിടെക്‌നിക് കോളജില്‍ ആക്രമണം നടത്തിയവരെ കസ്റ്റഡിയിലെടുത്ത് കൊണ്ടു പോകും വഴി പൊലിസിനെ തടഞ്ഞ കേസില്‍ രണ്ട് വിദ്യാര്‍ഥികളെ പൊലിസ് അറസ്റ്റ് ചെയ്തു. മൂവാറ്റുപുഴ പാറക്കല്‍ വീട്ടില്‍ രാഹുല്‍ (20), കൊല്ലം വലിയവിളയില്‍ അമല്‍ (23) എന്നിവരെയാണ് കളമശ്ശേരി പൊലിസ് അറസ്റ്റ് ചെയ്തത്. കഴിഞ്ഞ ഫെബ്രുവരി 21 ന് നടന്ന 'കലാപം' കലോത്സവത്തിനിടെ ആക്രമണം നടത്തിയ സംഭവത്തില്‍ കളമശേരി സി.ഐയുടെ നേതൃത്വത്തില്‍ മൂന്ന് വിദ്യാര്‍ഥികളെ കസ്റ്റഡിയിലെടുത്ത് കൊണ്ടു പോകുന്നതിനിടെ ഗേറ്റിന് മുന്നില്‍ ഒരു വിഭാഗം വിദ്യാര്‍ത്ഥികള്‍ പോലിസ് ഉദ്യോഗസ്ഥഥരെയും പോലിസ് വാഹനവും തടഞ്ഞിരുന്നു.ഈ കേസിലാണ് അറസ്റ്റ്. രണ്ട് ദിവസം മുമ്പ് ഹോസ്റ്റലില്‍ അതിക്രമിച്ചു കടന്നതായ പ്രിന്‍സിപ്പാളിന്റ പരാതിയില്‍ കസ്റ്റഡിയില്‍ എടുത്തപ്പോള്‍ ആണ് ഇവര്‍ പിടിയിലായത്. കോടതിയില്‍ ഹാജരാക്കി ജാമ്യത്തില്‍ വിട്ടയച്ചു.