പറവുര്‍: പകല്‍ സമയത്ത് മദ്യപിച്ച് ജോലിക്കെത്തിയ കെ.എസ് ഇ ബി ജീവനക്കാരനെ സസ്‌പെന്റ് ചെയ്തു.കെ.എസ്.ഇ.ബി പറവൂര്‍ സെക്ഷന്‍ ഓഫിസിലെ ജീവനക്കാരനായ ലൈന്‍മാന്‍ സുഷീറിനെയാണ് എക്‌സിക്യൂട്ടീവ് എഞ്ചിനിയറുടെ നിര്‍ദേശപ്രകാരം പുറത്താക്കിയത്. ഇടക്കിടക്ക് മദ്യപാന ശീലമുള്ള സുഷീര്‍ കഴിഞ്ഞ 23 ന് പകല്‍ സമയം അമിതമായി മദ്യപിച്ചെത്തി ജോലി ചെയ്യുന്നത് കണ്ട ചില ആളുകള്‍ ഇ.ഇ യെ വിവരം അറിയിക്കുകയായിരുന്നു. ഉടന്‍ തന്നെ അസി: എക്‌സി. എഞ്ചിനിയറെ വിളിച്ച് സംഭവം അന്വേഷിക്കാന്‍ നിര്‍ദേശിച്ചതോടെ അസി.എക്‌സിക്യുട്ടിവ് എഞ്ചിനിയറെത്തി കയ്യോടെ പിടികൂടി സസ്‌പെന്‍ഷന്‍ നടത്തുകയായിരുന്നു.സുഷിറിനെ സംരക്ഷിക്കാന്‍ യുണിയന്‍ നേതാക്കന്മാര്‍ ശ്രമം നടത്തിയെങ്കിലും മേലധികാരികള്‍ നടപടി കര്‍ശനമാക്കുകയായിരുന്നു.