പാവറട്ടി:  വലിയുല്ലാഹി തോപ്പില്‍ ഇബ്രാഹീം മുസ്‌ലിയാരുടെ ഉറൂസ് മുബാറകിന് സമാപനമായി. രാവിലെ സുബ്ഹി നിസ്‌കാരത്തിന് ശേഷം ഖുര്‍ആന്‍ പാരായണം ആരംഭിക്കുകയും തുടര്‍ന്ന് അസര്‍ നിസ്‌കാരാനന്തരം പള്ളിയില്‍ മൗലീദും യാസീനും ഓതി ഖത്തം വഴങ്ങലും നടത്തി.
വെകിട്ട്  നടന്ന പൊതുപരിപാടി  എം.കെ അഹമദുണ്ണി ഹാജിയുടെ  നേതൃത്വത്തില്‍ മഖാം സിയാറത്തോടുകൂടി ആരംഭിച്ചു. ബ്ലാങ്ങാട് മഹല്ല് ഖത്തീബ് മുഹമ്മദ് ബാഖവി ഉദ്ഘാടനം നിര്‍വഹിച്ചു. ടി. അബ്ദുറഹ്മാന്‍ മുസ്‌ലിയാര്‍ അധ്യക്ഷനായി.
സമാപനം കുറിച്ചുകൊണ്ട്  ദുആക്ക് സയ്യിദ് ഹുസൈന്‍ തങ്ങള്‍ കണ്ണൂര്‍ നേതൃത്വം നല്‍കി. ഉസ്മാന്‍ അഹമദ് അല്‍ ഖാസിമി, മുസ്തഫ വാഫി കട്ടുപ്പാറ, അബ്ദുറസാക് മുസ്‌ലിയാര്‍, അബ്ദുല്‍ റസാക് മാഞ്ചേരി സംസാരിച്ചു. ഹംസ അന്‍വരി, സുബൈര്‍ എ.ടി, അബ്ദുറഹ്മാന്‍ എന്‍.എ, മുഹമ്മദ് അസ്‌ലം എ.ടി, അബ്ദുസമദ് പന്തായില്‍, എന്‍.എസ് അബ്ദുല്‍അസീസ് മുസ്‌ലിയാര്‍, പി.സി അബ്ദുല്‍കാദര്‍ സംബന്ധിച്ചു.