തിരുവനന്തപുരം: സംസ്ഥാനത്തെ പ്ലസ് വണ്‍ പ്രവേശനത്തിനുള്ള ഓണ്‍ലൈന്‍ അപേക്ഷാ സമര്‍പ്പണം ആരംഭിച്ചു. ഓഗസ്റ്റ് 14 വരെയാണ് അപേക്ഷ സമര്‍പ്പിക്കാനാവുക. ംംം.വരെമു.സലൃമഹമ.ഴീ്.ശി എന്ന വെബ്‌സൈറ്റ് വഴിയാണ് അപേക്ഷിക്കേണ്ടത്. വി.എച്ച്.എസ്.ഇ പ്രവേശനത്തിന് ംംം.്‌വരെമു.സലൃമഹമ.ഴീ്.ശി എന്ന വെബ്‌സൈറ്റ് വഴിയും അപേക്ഷിക്കാം. ഓഗസ്റ്റ് 18ന് ട്രയല്‍ അലോട്ട്‌മെന്റും 24ന് ആദ്യ അലോട്ട്‌മെന്റും നടക്കും. സെപ്റ്റംബര്‍ 15നാണ് മുഖ്യ അലോട്ട്‌മെന്റ് അവസാനിക്കുക. സെപ്റ്റംബര്‍ 22 മുതല്‍ ഒക്‌ടോബര്‍ ഒന്‍പതുവരെയാണ് സപ്ലിമെന്ററി അലോട്ട്‌മെന്റുകള്‍.  

അപേക്ഷാ സമര്‍പ്പണത്തിന് ശേഷം ഒ.ടി.പി നല്‍കി ലഭിക്കുന്ന കാന്‍ഡിഡേറ്റ് ലോഗിന്‍ വഴിയാണ് തുടര്‍ന്നുള്ള പ്രവേശന നടപടികള്‍. തനിയെ അപേക്ഷിക്കാന്‍ കഴിയാത്തവര്‍ക്ക് സമീപത്തെ സ്‌കൂളുകളിലെ ഹെല്‍പ് ഡെസ്‌കുകളെ ആശ്രയിക്കാം. മേഖലാ, ഉപജില്ലാ, ജില്ലാ തലങ്ങളിലും ഹെല്‍പ് ഡെസ്‌കുകള്‍ പ്രവര്‍ത്തിക്കുന്നുണ്ട്.