കണ്ണൂര്‍: കോണ്‍ഗ്രസ് അധ്യക്ഷന്‍ രാഹുല്‍ഗാന്ധി 16ന് കണ്ണൂരിലെത്തും. തിരുവനന്തപുരത്തുനിന്ന് പ്രത്യേക വിമാനത്തിലാണ് രാത്രി കണ്ണൂരിലെത്തുക. തുടര്‍ന്ന് പയ്യാമ്പലം ഗസ്റ്റ് ഹൗസില്‍ തങ്ങുന്ന രാഹുല്‍ 17നു രാവിലെ ഹെലികോപ്ടറില്‍ വയനാട്ടിലേക്കു തിരിക്കും.
കണ്ണൂരില്‍ രാഹുലിനെ പങ്കെടുപ്പിച്ച് കാസര്‍കോട്, കണ്ണൂര്‍, വടകര ലോക്‌സഭാ മണ്ഡലങ്ങളിലെ നേതാക്കളുടെ യോഗം നടത്താന്‍ കോണ്‍ഗ്രസ് നേതൃത്വം അദ്ദേഹത്തിന്റെ സുരക്ഷയ്ക്കു നേതൃത്വം നല്‍കുന്ന എസ്.പി.ജിയുടെ അനുമതി തേടിയിട്ടുണ്ട്. രാഹുലിന്റെ സന്ദര്‍ശനവുമായി ബന്ധപ്പെട്ട് സുരക്ഷാകാര്യങ്ങള്‍ അവലോകനം ചെയ്യാന്‍ ഇന്നു ഉച്ചക്കു കണ്ണൂര്‍ വിമാനത്താവളത്തില്‍ പൊലിസിന്റെയും വിമാനത്താവള അധികൃതരുടെയും സംയുക്ത യോഗം ചേരും.