HOME
DETAILS

സ്‌കൂളിലെത്തണോ... കുഴികളും കുളവും താണ്ടണം

  
backup
July 15 2018 | 21:07 PM

%e0%b4%b8%e0%b5%8d%e2%80%8c%e0%b4%95%e0%b5%82%e0%b4%b3%e0%b4%bf%e0%b4%b2%e0%b5%86%e0%b4%a4%e0%b5%8d%e0%b4%a4%e0%b4%a3%e0%b5%8b-%e0%b4%95%e0%b5%81%e0%b4%b4%e0%b4%bf%e0%b4%95%e0%b4%b3%e0%b5%81

 


മലയോര മേഖലയിലെ പ്രധാന മേഖലയായ കാലിച്ചാനടുക്കം ഗവ. ഹൈസ്‌കൂളിലെത്തണമെങ്കില്‍ കുഴികളും കുളവും താണ്ടി വിദ്യാര്‍ഥികള്‍ സാഹസികയാത്ര നടത്തണം. ഇത് ജില്ലയിലെ ഒരു പൊതുചിത്രം കൂടിയാണ്. നഗരകേന്ദ്രീകൃതമായി പ്രവര്‍ത്തിക്കുന്ന സ്‌കൂളുകളിലേക്കെത്തുന്ന വിദ്യാര്‍ഥികള്‍ അനുഭവിക്കുന്നതെല്ലാം കാലിച്ചാനടുക്കത്തെ വിദ്യാര്‍ഥികളും അനുഭവിക്കുന്നതു തന്നെയാണ്.
കാലിച്ചാനടുക്കം മുതല്‍ ചോയ്യംകോട് വരെയാണ് റോഡില്‍ കുണ്ടും വലിയ കുഴികളും കുളങ്ങളും രൂപപ്പെട്ടിരിക്കുന്നത്. പഞ്ചായത്തധികൃതരോട് ചോദിച്ചാല്‍ എടത്തോട് നീലേശ്വരം റോഡ് മെക്കാഡം റോഡാക്കാന്‍ ടെന്‍ഡര്‍ ആയിട്ടുണ്ടെന്നാണ് മറുപടി. ഏഴുന്നൂറിനു മേല്‍ കുട്ടികളാണ് കാലിച്ചാനടുക്കം സ്‌കൂളിലുള്ളത്. അതില്‍ 20 ശതമാനത്തോളം എസ്.സി, എസ്.ടി വിഭാഗത്തില്‍പ്പെട്ടവരും ബാക്കി 80ശതമാനം പാവപ്പെട്ട കര്‍ഷകരുടെയും തൊഴിലുറപ്പ് തൊഴിലാളികളുടെയും മക്കളുമാണ്.
മലയോര മേഖലയിലേക്ക് ആവശ്യത്തിന് ബസ് സൗകര്യം ഉണ്ടെങ്കിലും സ്‌കൂള്‍ സമയമായ രാവിലെയും വൈകിട്ടും ബസ് സര്‍വിസുകളുടെ എണ്ണം പരിമിതമാണ്. ആനപ്പട്ടി, തായന്നൂര്‍, ചാമക്കുഴി തുടങ്ങി അഞ്ചു കിലോമീറ്റര്‍ ചുറ്റളവില്‍നിന്നു കുട്ടികള്‍ സ്‌കൂളിലെത്തുന്നുണ്ട്. റോഡില്‍ മുഴുവന്‍ കുഴിയും ഗര്‍ത്തങ്ങളും രൂപപ്പെട്ടതിനാല്‍ ചിലപ്പോള്‍ ബസുകള്‍ സര്‍വിസ് മുടക്കും.
നീലേശ്വരത്തോ കാഞ്ഞങ്ങാട്ടോ ബസ് കാത്തുനില്‍ക്കുമ്പോഴായിരിക്കും പലപ്പോഴും ബസില്ലാത്ത കാര്യം അറിയുക. പിന്നെ എങ്ങിനെയൊക്കയോ എത്താറാണ് പതിവ്.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."