മണ്ണാര്‍ക്കാട്: വിശുദ്ധ ഇസ്‌ലാം മനുഷ്യജീവന് മഹത്വം നല്‍കിയ മതമാണെന്നും ഭീകര പ്രവര്‍ത്തനം ഒരിക്കലും ഇസ്‌ലാം അംഗീകരിക്കുന്നില്ലെന്നും സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍. സുന്നീ യുവജനസംഘം മണ്ണാര്‍ക്കാട് മണ്ഡലം കമ്മിറ്റി ഇസ്‌ലാമിക് സെന്റര്‍ ഓഡിറ്റോറിയത്തില്‍ സംഘടിപ്പിച്ച ഏകദിന ഹജ്ജ്ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം.
ഹജ്ജ് മാനവികതയുടെയും മനുഷ്യ സമത്വത്തിന്റെയും വിളംബരമാണ്. വര്‍ഗ്ഗ-വര്‍ണ്ണ-ഭാഷ വ്യത്യാസങ്ങളില്ലാതെ ഒരേ വേഷത്തിലും വിശ്വാസത്തിലും ഒരുമിച്ചുകൂടുന്ന ലക്ഷക്കണക്കിന് വിശ്വാസികള്‍ ലോകസമാധാനത്തിനുവേണ്ടി പ്രാര്‍ത്ഥിക്കുന്ന അറഫയിലെ പ്രധാന ചടങ്ങ് ഹജ്ജിന്റെ മര്‍മ്മമാണെന്നും ആലിക്കുട്ടി മുസ്‌ലിയാര്‍ പറഞ്ഞു. സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കമ്മിറ്റി പ്രസിഡണ്ട് അല്‍ഹാജ് സി.കെ.എം. സ്വാദിഖ് മുസ്‌ലിയാര്‍ അധ്യക്ഷനായി.
അബ്ദുസ്സമദ് പൂക്കോട്ടൂര്‍, ഡോ: നാട്ടിക മുഹമ്മദലി, മുബാറക് ഒറ്റപ്പാലം എന്നിവര്‍ ക്യാംപില്‍ ക്ലാസ്സെടുത്തു. കൊടക്കാട് ഇമ്പിച്ചിക്കോയതങ്ങള്‍, സമാപന പ്രാര്‍ത്ഥനക്ക് നേതൃത്വം നല്‍കി. സി.പി. ബാപ്പുമുസ്‌ലിയാര്‍, സി.മുഹമ്മദലി ഫൈസി, സി. മുഹമ്മദ്കുട്ടി ഫൈസി, ഹബീബ് ഫൈസി കോട്ടോപ്പാടം, അന്‍വര്‍ സ്വാദിഖ് ഫൈസി, ശമീര്‍ഫൈസി കോട്ടാപ്പാടം, ഹമീദ് ഹാജി പൊന്നംകോട്, ഉസ്മാന്‍ ഫൈസി, റഹീം ഫൈസി, കബീര്‍ അന്‍വരി, ടി.കെ. സുബൈര്‍ മൗലവി, അഡ്വ: ടി.എ. സിദ്ധീഖ്, ഫാഇദ ബഷീര്‍, ഹുസൈന്‍ കോളശ്ശേരി, മുഹമ്മദാലി മാസ്റ്റര്‍ വടക്കുമണ്ണം, വൈശ്യന്‍ മുഹമ്മദ്, മമ്മദ് ഹാജി, സൈനുല്‍ ആബിദ് ഫൈസി, ഐ. മുഹമ്മദ്, ആരിഫ് ചങ്ങലീരി, അമാനുള്ള കിളിരാനി സംബന്ധിച്ചു. സംസം ബഷീര്‍ അലനല്ലൂര്‍ സ്വാഗതവും സുലൈമാന്‍ ഫൈസി നന്ദിയും പറഞ്ഞു.