വടകര: കേരളത്തിലെ സംരംഭകരില്‍ മികച്ച പ്രകടനം കാഴ്ചവച്ച വ്യത്യസ്ത മേഖലകളില്‍ പ്രവര്‍ത്തിച്ചവര്‍ക്ക് സംരംഭം മാസിക ഏര്‍പ്പെടുത്തിയ 'എന്റെ സംരഭം ഗോഡ്‌സ് ഓണ്‍ ബ്രാന്റ് ആന്‍ഡ് എമര്‍ജിങ്ങ്' അവാര്‍ഡുകള്‍ വിതരണം ചെയ്തു. കൊച്ചൗസേപ്പ് ചിറ്റിലപ്പളളി, പ്രിയ ഫാസില്‍, ഫൈസല്‍ ഖാന്‍, ഷമീം റഫീഖ്, എന്‍.കെ കുര്യന്‍ മുതലായ പ്രമുഖരെ അവാര്‍ഡുകള്‍ നല്‍കി ആദരിച്ചു. സഹകരണ രംഗത്തെ സമഗ്ര സംഭാവനകളെ അടിസ്ഥാനമാക്കി പ്രമുഖ സഹകാരി മനയത്ത് ചന്ദ്രന് 'ബെസ്റ്റ് ചെയര്‍മാന്‍ ഓഫ് കോ-ഓപ്പറേറ്റീവ് സെക്ടര്‍' അവാര്‍ഡ് നല്‍കി. കൊച്ചിയിലെ ഹോളിഡെ ഇന്‍ല്‍ നടന്ന പ്രമുഖ സംരംഭകരുടെ മീറ്റില്‍ തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ അവാര്‍ഡുകള്‍ വിതരണം ചെയ്തു.